हॅलो महाराष्ट्र ऑनलाईन । काँग्रेसच्या माजी अध्यक्षा सोनिया गांधी यांच्या प्रकृतीत बिघाड झाल्याने त्यांना रुग्णालयात उपचारासाठी दाखल करण्यात आले आहे. सोनिया गांधी यांच्यावर दिल्लीतील सर गंगाराम रुग्णालयात डॉक्टरांकडून सध्या उपचार सुरु आहेत.
याबाबत अधिक माहिती अशी की, सोनिया गांधी यांची तब्येत गुरुवारपासून बिघडली होती. गुरुवारी त्यांना ताप आला. त्यानंतर तात्काळ त्यांना रुग्णालयात दाखल करण्यात आले. डॉक्टर आणि नर्सेसच्या देखरेखीखाली त्यांना सध्या ठेवण्यात आले आहे. तसेच सोनिया गांधी यांच्या वैद्यकीय चाचण्याही केल्या जात आहेत.
UPA chairperson Sonia Gandhi was admitted to Delhi's Sir Gangaram Hospital due to fever on 2nd March, says the hospital.
She is undergoing observation and investigations and her condition is stable: Dr DS Rana, Chairman, Sir Ganga Ram Hospital pic.twitter.com/qx7eimSPN6
— ANI (@ANI) March 3, 2023
दिल्लीतील सर गंगाराम रुग्णालयात सोनिया गांधी यांच्यावर उपचार सुरु आहेत. कालच त्यांना इथे दाखल करण्यात आले. आज हॉस्पिटल व्यवस्थापनाकडून या संदर्भात हेल्थ बुलेटिन जारी करण्यात आले. सोनिया गांधी यांच्यावर चेस्ट मेडिसिन डिपार्टमेंटचे सीनियर कन्सल्टंट डॉ. अरुप बासु यांच्या देखरेखीखाली उपचार सुरु आहेत. सध्या त्यांची प्रकृती स्थिर आहे, असे सांगण्यात आले आहे.