Paytm युझर्ससाठी खास फीचर; आता इंटरनेट आणि मोबाईल बंद असतानाही करता येणार पेमेंट

नवी दिल्ली । सध्याच्या काळात बहुतेक लोकं पेमेंट करण्यासाठी Paytm वापरतात. अशा परिस्थितीत, Paytm देखील आपल्या युझर्ससाठी अनेक चांगल्या ऑफर्स आणत आहे. मात्र यावेळी Paytm ने युझर्ससाठी एक असे खास फीचर आणले आहे, ज्याच्या मदतीने यूझर्स फोन बंद असतानाही इंटरनेटशिवाय सहजपणे पेमेंट करू शकतील. चला तर मग या फीचरबद्दल जाणून घेऊयात …

Paytm ने गुरुवारी ‘टॅप टू पे’ नावाचे नवीन फीचर लाँच केले आहे. या अंतर्गत Paytm युझर्सना पेमेंट करण्यासाठी QR कोड स्कॅन करण्याची किंवा OTP टाकण्याची गरज नाही. त्याऐवजी, आता ते फक्त त्यांच्या फोनला PoS मशीन टच करून पैसे देऊ शकतात.

लॉक न उघडता पेमेंट करता येते

खास बाब म्हणजे यासाठी यूझर्सना त्यांच्या फोनचे लॉकही उघडावे लागणार नाही. जरी त्यांच्या मोबाईलमध्ये इंटरनेट कनेक्शन किंवा मोबाईल डेटा नसला तरीही ते फक्त PoS मशीनला टच करून पेमेंट करू शकतील.

कशा प्रकारे काम करेल ?

हे पेमेंट युझर्सच्या कार्डवरून केले जाईल, ज्यांचे डिटेल्स Paytm App मध्ये आधीच Save केले जातील. Paytm ची ‘टॅप टू पे’ सर्व्हिस Android आणि iOS दोन्ही युझर्ससाठी उपलब्ध आहे. या अंतर्गत, Paytm च्या ऑल इन वन पीओएससह, युझर्स इतर बँकांच्या पीओएसवर देखील पेमेंट करू शकतील.

अशा प्रकारे वापरू शकता
1. पहिले ‘टॅप टू पे’ होम स्क्रीनवर “Add New Card” वर क्लिक करा किंवा कार्ड लिस्ट मधून सेव्ह केलेले कार्ड निवडा.
2. आता कार्डशी संबंधित आवश्यक माहिती एंटर करा.
3. यानंतर तुम्हाला टॅप टू पेशी संबंधित अटी आणि नियम ‘Accept’ करावे लागतील.
4. कार्डसोबत रजिस्टर्ड तुमच्या मोबाईल नंबरवर किंवा ईमेल आयडीवर OTP पाठवला जाईल.
5. OTP भरल्यानंतर, तुम्ही टॅप टू पे होम स्क्रीनच्या वरच्या बाजूला एक्टिवेटेड कार्ड पाहू शकता.