नवी दिल्ली । भारतीय बाजारपेठेत सोन्याच्या दरात आज (Gold Price Today) घसरणीच्या आठवडाभरा नंतर आज तेजी दिसून आली. एचडीएफसी सिक्युरिटीजच्या म्हणण्यानुसार, शुक्रवारी दिल्ली सराफा बाजारात सोन्याचा भाव 132 रुपयांनी वाढून 48,376 रुपये प्रति 10 ग्रॅम झाला. मागील व्यापार सत्रात मौल्यवान धातू प्रति 10 ग्रॅम 48,244 रुपयांवर बंद झाली होती. चांदी 2,915 रुपयांवरुन 68,410 रुपये प्रतिकिलोवर आली. मागील व्यापार सत्रात चांदी 65,495 वर बंद झाली होती. आंतरराष्ट्रीय बाजारात सोने प्रति औंस 1,844.35 डॉलर आणि चांदी 26.35 डॉलर प्रति औंसच्या पातळीवर होता.
एचडीएफसी सिक्युरिटीज (HDFC Securities) चे वरिष्ठ विश्लेषक तपन पटेल यांच्या म्हणण्यानुसार डॉलरमध्ये निरंतर घट नोंदली जात आहे. त्याच वेळी, न्यूयॉर्कच्या कमोडिटी एक्सचेंजमध्ये आघाडी कायम आहे. त्याचा परिणाम भारतीय बाजारावरही होत आहे.
दिल्ली सराफा बाजारात सोन्या-चांदीचे उद्याचे भाव
आज भारतीय सराफा बाजारात स्पॉट गोल्डच्या किंमतीत वाढ झाली आहे. गुरुवारी दिल्ली सराफा बाजारात सोन्याच्या किंमती 109 रुपयांनी घसरून 48,183 रुपयांवर आल्या. गुरुवारी त्याच चांदीच्या किमतींमध्ये किंचित घट नोंदली गेली. दिल्ली बुलियन मार्केटमध्ये आज चांदीच्या भावात केवळ 146 रुपयांची घसरण झाली, त्यानंतर ही किंमत 65,031 रुपये प्रतिकिलो झाली.
दोन दिवसांत चांदीच्या किंमतीत झाली 2000 रुपयांची वाढ
स्थिर डॉलरमुळे सलग पाच दिवसांच्या घसरणीनंतर आज भारतीय बाजारात सोन्याच्या किंमती (Gold Prices) वाढल्या आहेत. त्याचबरोबर, चांदीच्या किंमती (Silver Prices) अवघ्या 2 दिवसांत 2000 रुपयांपेक्षा जास्त वाढल्या आहेत. चांदीचे दर आज जागतिक बाजारपेठेत घसरले आहेत आणि 0.7% खाली घसरून 26 औंस डॉलर प्रति औंस पातळीवर ट्रेड करीत आहेत. व्यापारी अमेरिकेतील मदत पॅकेजकडे लक्ष देऊन आहेत. त्याच बरोबर भारतातही 2021 च्या अर्थसंकल्पाची प्रतीक्षा आहे.
मौल्यवान धातूवर लसीचा परिणाम
या व्यतिरिक्त आता कोरोना लसीचे वितरण आणि लसीकरण मोहिमांमध्ये वेग वाढविणे देखील मौल्यवान धातूंच्या किंमतींवर परिणाम करीत आहे. तज्ज्ञांच्या मते सध्याच्या किंमतींवर सोन्यात गुंतवणूक करण्याची चांगली संधी आहे. कारण 2021 मध्ये मौल्यवान पिवळ्या धातूची किंमत प्रति 10 ग्रॅम 63 हजारपर्यंत पोहोचणे अपेक्षित आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.