महाराष्ट्र ऑनलाइन | राज्यातील एकूण राजकीय वातावरण आणि केंद्रीय तपास यंत्रणा यावरून शिवसेना आज मुंबईतील शिवसेना भवन येथे पत्रकार परिषद घेणार आहे. या पत्रकार परिषदची उत्सुकता संपूर्ण राज्याला लागली आहे. त्याचवरून राष्ट्रवादी काँग्रेसच्या नेत्या आणि खासदार सुप्रिया सुळे यांनी या पत्रकार परिषदेवरून भाजपला इशारा दिला आहे.
सध्या चॅनल आमचे कॉमेंट्स चालवतात मग चॅनलने आम्हाला पैसे द्यायला हवेत. आता आमचं चालेल, आम्ही आता चॅनलवर राहू मात्र, 3 नंतर संजय राऊत सगळे चॅनेल टेक ओव्हर करतील असे वक्तव्य सुप्रिया सुळे यांनी केले. 3 नंतर संजय राऊत यांचा सिक्सर आहे. आपण वाट बघू संजय राऊत काय बोलतात ते. ते काही तरी महत्त्वाचेच बोलतील असे वाटते, कारण त्यांनी इशारा दिला आहे. सगळा देश त्यांना बघणार आहे. मी पण बघणार असल्याचे सुप्रिया सुळे म्हणाल्या.
दरम्यान, दुपारी 4 वाजता शिवसेना भवन येथे शिवसेनेची पत्रकार परिषद होणार आहे. शिवसेनेची पत्रकार परिषदेत म्हणजे संपूर्ण महाराष्ट्र बोलणार असून आमची पत्रकार परिषद भाजप आणि ईडी नेही बघावी असा इशारा त्यांनी दिला आहे. त्यामुळे शिवसेना आणि संजय राऊत नेमका काय गौप्यस्फोट करणार हे पाहावे लागेल.
