हॅलो महाराष्ट्र ऑनलाईन । कोरोना विषाणूच्या संसर्गाला रोखण्यासाठी सुरु असलेल्या लॉकडाऊनमुळे प्रत्येकजण आपापल्या घरी कैद झाला आहे. यामध्ये वेळ घालवण्यासाठी लोक ऑनलाईन सोशल मीडियावर बऱ्याच ऍक्टिव्हिटी करताना दिसतात. यावेळी अनेक सिनेस्टार्स तसेच क्रिकेटपटूही सोशल मीडियाच्या माध्यमातून आपल्या चाहत्यांशी संवाद साधत आहेत. यावेळेस काही क्रिकेटर्स हे एकमेकांना मोटिव्हेट करण्यासाठी चॅलेंज देत आहेत. असेच एक चॅलेंज युवराज सिंगने सचिन तेंडुलकरलाही दिले होते. जे या मास्टर ब्लास्टरने तोडून उलट त्यालाच एक नवीन चॅलेंज दिले.
सचिनने सोशल मीडियावर नुकताच एक व्हिडिओ शेअर केला आहे. या व्हिडीओमध्ये सचिनने डोळ्यावर पट्टी बांधलेली असून बॅटच्या काठावरुन बॉल उडवत असल्याचे दिसत आहे.
व्हिडिओ पोस्ट करत सचिन तेंडुलकरने सोशल मीडियावर लिहिले,” युवी तू खूप सोपा टास्क दिलास. चल तर मग मी तुला एक छोटासा अवघड ऑप्शन देत आहे. तू मला नॉमिनेट केलेस, आता मी तुला नॉमिनेट करतोय माझ्या मित्रा.”
सचिनच्या या व्हिडिओवर युवराजसिंगची प्रतिक्रिया खूपच मजेशीर होती. युवराजने लिहिले की, “मला माहित होते की मी एका चुकीच्या दिग्गजाला चॅलेंज देत आहे. आता यासाठी मला आणखी एक आठवडा लागू शकेल.”
काही दिवसांपूर्वीच युवराजने त्याच्या बॅटने चेंडूला मारतानाचा एक व्हिडिओ शेअर केला होता. असे करत असताना युवीने सचिन तेंडुलकर, रोहित शर्मा आणि हरभजन यांना चॅलेंज दिले होते.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.
