नांदेड : हॅलो महाराष्ट्र – नांदेडमध्ये कार-ट्रॅक्टरचा भीषण अपघात झाला आहे. या अपघातामध्ये दोन पोलीस कर्मचाऱ्यांचा जागीच मृत्यू झाला. तर दोघेजण गंभीर जखमी झाले आहेत. या घटनेमुळे सर्वत्र हळहळ व्यक्त केली जात आहे. नांदेड जिल्ह्यातील भोकर- नांदेड रोडवर खरबी शिवारात हा भीषण अपघात घडला आहे.
हा अपघात एवढा भीषण होता कि यामध्ये दोघांचा जागीच मृत्यू झाला आहे तर दोन पोलीस पोलीस कर्मचाचारी गंभीर जखमी झाले आहेत. या भीषण अपघातात दीपक जाधव आणि ईश्वर राठोड या दोन पोलीस कर्मचाऱ्यांना प्राण गमवावे लागले, तर प्रितेश इटगाळकर आणि सदानंद सपकाळ हे दोन पोलीस कर्मचारी गंभीर जखमी झाले आहेत.
दोन्ही जखमी पोलीस अधिकाऱ्यांवर नांदेडच्या खाजगी रुग्णालयात उपचार सुरु आहेत. अंधारात उसाच्या ट्रॅक्टर ट्रॉलीचा अंदाज न आल्याने हा भीषण अपघात घडला आहे.