हॅलो महाराष्ट्र ऑनलाईन । मुंबईत आपलं एखादं तरी घर असावं, असं प्रत्येकाला वाटत. त्या घरात आपण मनसोक्तपणे राहावं असे स्वप्न प्रत्येकजण पाहतात, पण ती काहींची पूर्ण होत माहिती. तस पाहिलं चित्रपट, मालिकांमध्ये काम करणाऱ्या छोट्या-मोठ्या अभिनेत्री, अभिनेत्यांची घरेही मुंबईतच आहेत. यामध्ये आता पंधरा वर्षीय टीव्ही अभिनेत्रीची भर पडली आहे. ‘ये है मोहब्बतें’ मधील अभिनेत्री रुहानिका धवन हिने मुंबईत घर खरेदी केले आहे. तिने घर खरेदी करून सर्वांना आश्चर्याचा धक्का दिला आहे.
15 वर्षीय रुहानियाने ‘ये है मोहब्बतें’ या लोकप्रिय नाटकात रुहीची भूमिका साकारली आहे. तिने नुकतीच एक इन्स्ट्राग्राम पोस्ट केली असून त्यातून स्वत: घराच्या चाव्या हातात घेतल्याचे आणि वडिलांसोबत लिव्हिंग रूममध्ये बसलेले फोटो शेअर केले आहेत.
https://www.instagram.com/p/Cm3dRz3qweu/?utm_source=ig_web_copy_link
तिने आपल्या पोस्टमध्ये लिहले आहे की, “माझे हृदय भरले आहे. मी अत्यंत कृतज्ञ आहे. मी स्वतःहून घर खरेदी करण्याचे खूप मोठे स्वप्न साकारले आहे. हे माझ्यासाठी आणि माझ्या लोकांसाठी खूप मोठे आहे. आज मी खूप खूश आहे. नवीन सुरुवात करते आहे. माझ्या अनेक स्वप्नांपैकी आज एक मोठं स्वप्न पूर्ण झाले आहे. माझ्या कमाईतून मी घर घेत आहे. ही माझ्यासाठी फार मोठी गोष्ट आहे. माझ्या आई वडिलांनी नेहमीच मला दिलेल्या पाठिंब्यामुळे मला आज हे स्वप्न पूर्ण करता आलं. माझी आई माझ्यासाठी आयुष्यातली एक जादूगारच आहे. तिने योग्य गुंतवणुक केली आणि पैसे डबल केले. ही तर फक्त सुरुवात आहे. मी आणखी मोठे स्वप्न पाहत आहे. जर मी हे करु शकते तर तुम्ही का नाही. स्वप्न बघत राहा, त्या दिशेने प्रयत्न करा एक दिवस ते नक्की पूर्ण होतील.
रुहानिकाने ‘ये है मोहोब्बते’ या मालिकेत रुही ही बालकलाकाराची भूमिका साकारली होती. या मालिकेतून ती घराघरात पोहोचली. रुहानिका तिचा अभ्यास आणि शूट दोन्ही अगदी यशस्वीपणे करते. तसेच ती सोशल मीडियावरही सक्रिय असते.