हॅलो महाराष्ट्र ऑनलाइन | राष्ट्रवादी काँग्रेसच्या माजी आमदार विद्या चव्हाण यांची पक्षाच्या महिला प्रदेशाध्यक्ष पदी वर्णी लागली आहे. यापूर्वी रूपाली चाकणकर यांनी राष्ट्रवादी काँग्रेस महिला प्रदेशाध्यक्ष पदाचा राजीनामा दिल्यानंतर हे पद रिक्त होते. अखेर आज विद्या चव्हाण यांची महिला प्रदेशाध्यक्ष पदी निवड करण्यात आली आहे. राष्ट्रवादी महिला राष्ट्रीय अध्यक्ष फौजिया खान यांनी याबाबत माहिती दिली आहे.
2019 च्या विधानसभा निवडणुकीच्या वेळी रुपाली चाकणकर यांची राष्ट्रवादी काँग्रेसच्या महिला प्रदेशाध्यक्ष पदी निवड करण्यात आली होती. त्यानंतर त्यांना महाराष्ट्र राज्य महिला आयोगाचे अध्यक्ष करण्यात आले. 23 मार्चला रुपाली चाकणकर यांनी महिला प्रदेशाध्यक्ष पदाचा राजीनामा दिल्यानंतर हे पद विद्या चव्हाण यांना मिळाले आहे.
दरम्यान, महिला प्रदेशाध्यक्ष पदी निवड होताच विद्या चव्हाण यांनी आपली प्रतिक्रिया देत म्हंटल की, देशातील महत्त्वाच्या विषयांकडे दुर्लक्ष होत आहे. महागाई प्रचंड वाढत आहे. अध्यक्ष म्हणून जबाबदारी पार पाडत असताना सर्व महिलांना सोबत घेवून यावर आम्ही सातत्याने आवाज उठवणार असल्याचे यावेळी सांगितले.
