हॅलो महाराष्ट्र ऑनलाईन | सध्या राज्यात ओबीसी आरक्षणावरून चांगलेच वातावरण तापले असताना दुसरीकडे उत्तर प्रदेश विधानसभा निवडणुकीच्या प्रचाराचा धडाका चांगलाच वाढला आहे. या ठिकाणी प्रचारादरम्यान अनेक नेत्यांकडून मतदारांसमोर भाषण करताना डायलॉगबाजी केली जात आहे. मुबारखपुर येथे ‘एमआयएम’ चे प्रवक्ते वारिस पठाण यांनी प्रचार सभेतील भाषणा बोलताना पुष्पा चित्रपटातील डायलॉग म्हणत ‘एमआयएम’ पक्षाचे प्रमुख आणि लोकसभा खासदार असदुद्दीन ओवेसींचे वर्णन केले. “ओवेसी को फ्लावर समझे क्या, फ्लॉवर नहीं. फायर हैं फायर”, असे पठाण यांनी म्हंटले आहे.
‘एमआयएम’ पक्षाच्यावतीने उत्तर प्रदेश निवडणुकीच्या रिंगणात आपला उमेदवार उभा करण्यात आलेला आहे. येथील मुबारखपुर येथे नुकतीच ‘एमआयएम’ ची प्रचार सभा पार पडली. यावेळी ‘एमआयएम’ चे प्रवक्ते वारिस पठाण यांनी पुष्पा चित्रपटातील नायक अल्लु अर्जुन प्रमाणे अॅक्टींग केली.
“Owaisi को फ़्लावर समझा है क्या…”@warispathan on 🔥 pic.twitter.com/DUc1QZKYGQ
— Manak Gupta (@manakgupta) March 4, 2022
यावेळी त्यांनी उत्तर प्रदेशमध्ये ओवेसींच्या वाहनावर झालेल्या गोळीबाराच्या घटनेचा देखील उल्लेख केला आणि आम्ही कुणाला घाबरणार नाही आणि कुणापुढे झुकणारही नाही. आपल्या हक्कासाठी लढत राहू. हा लढा आम्ही संविधानाच्या कक्षेत राहून लढू, असे म्हंटले. तसेच पठाण यांनी सरकारवरही हल्लाबोल केला. राज्यातील जनतेची दिशाभूल केली जात आहे. आता हक्कासाठी कुणासमोर आपण झुकणार नाही, असे पठाण यांनी यावेळी म्हंटले.
