हॅलो महाराष्ट्र ऑनलाईन । सध्या पेट्रोल व डिझेलच्या दरवाढीमुळे यावर चालणाऱ्या वाहनाचे प्रमाण कमी झाले आहे. तर पर्यावरण रक्षणासाठी इलेक्ट्रिक वाहनांच्या वापरामध्ये चांगली वाढ होऊ लागली आहे. त्यादृष्टीने आता राज्य सरकाच्यावतीने इलेक्ट्रिक वाहनांचा वापर जास्त व्हावा आणि पर्यावरण प्रदूषण टाळावे यासाठी प्रयत्न केले जात आहे. दरम्यान आता राज्य सरकारमधील गाड्यांच्या ताफ्यात इलेक्ट्रिक वाहनांचा समावेश करण्याचा निर्णय घेतला असल्याची मोठी घोषणा पर्यावरणमंत्री आदित्य ठाकरे यांनी आज केली आहे.
पर्यावरणमंत्री आदित्य ठाकरे यांनी पर्यावरणाच्या दृष्टीने घेतल्या या निर्णयाची घोषणा ट्विटच्या माध्यमातून दिली. त्यांनी आपल्या ट्विटच्या माध्यमातून म्हंटले आहे की, स्वच्छ गतिशीलता आणि नागरिकांना प्रोत्साहन देण्यासाठी आमची बांधिलकी कायम ठेवत, महाराष्ट्र सरकारने 1 एप्रिल 2022 ऐवजी 1 जानेवारी 2022 पासून सरकारी / नागरी स्थानिक संस्था / कॉर्पोरेशनसाठी फक्त इलेक्ट्रिक वाहने खरेदी करण्याचा किंवा भाड्याने देण्याचा निर्णय लागू करण्याचा निर्णय घेतला आहे, अशी माहिती मंत्री ठाकरे यांनी दिली.
Keeping our commitment to clean mobility and encouraging citizens, the Govt of Maharashtra has decided to implement the decision of Purchasing or Renting only Electric Vehicles for Govt/ Urban Local Bodies/ Corporations from 1st January 2022 instead of 1st April 2022.
— Aaditya Thackeray (@AUThackeray) January 2, 2022
नववर्षाच्या सुरूवातीलाच पर्यावरण मंत्री आदित्य ठाकरे यांनी पेट्रोल-डिझेलवर चालणाऱ्या वाहनांमुळे होणारे प्रदुषण रोखण्यासाठ मोठा निर्णय पर्यावरण मंत्रालयाकडून घेण्यात आला असल्याची माहिती देत राज्यातील सर्व सरकारी वाहनं इलेक्ट्रीक असणार आहेत. 1 एप्रिलपासून हा निर्णय लागू होणार असल्याची घोषणा केली. तसेच प्रदुषण रोखण्याठी पर्यावण मंत्रालयाकडून सध्या ठोस पावले उचलण्यात येत आहे. पेट्रोल-डिझेलच्या गाड्यांमुळे होणाऱ्या प्रदुषणात मागील काही वर्षात मोठी वाढ झाली आहे. देशपातळीवरही प्रदुषण रोखण्यासाठी मोठे निर्णय घेण्यात येत असल्याचे मंत्री ठाकरे यांनी म्हंटले आहे.