Wednesday, October 5, 2022

Buy now

बाळासाहेबांनंतर हिंदूह्रदयसम्राट पदवी देवेंद्र फडणवीसांना द्यावी- नितेश राणे

हॅलो महाराष्ट्र ऑनलाइन | हिंदुहृदयसम्राट बाळासाहेब ठाकरे यांच्यानंतर भाजप नेते देवेंद्र फडणवीस यांना हिंदुहृदयसम्राट ही पदवी द्यावी असे विधान भाजप आमदार नितेश राणे यांनी केले आहे. नितेश राणे यांच्या या विधानामुळे शिवसेना आणि भाजपमध्ये पुन्हा एकदा घमासान होण्याची शक्यता आहे.

नितेश राणे म्हणाले, काही लोक स्वतःला हिंदुहृदयसम्राट म्हणून बॅनरबाजी करतात. पण माझी वयक्तिक भावना विचारली तर मला वाटत महाराष्ट्रात बाळासाहेब ठाकरे यांच्यानंतर देवेंद्र फडणवीस यांनाच हिंदुहृदयसम्राट ही पदवी द्यावी. नितेश राणेंच्या वक्तव्यानंतर हिंदुह्रदयसम्राटचा वाद पेटण्याची शक्यता आहे.

दरम्यान, पुण्यात फडणवीसांचा गादीवर झालेल्या चप्पल फेकी वरूनही राणेंनी सरकार वर टीका केली. देवेंद्र फडणवीस आमचे नेते आहेत त्यांच्या बाबतीत राष्ट्रवादीचे कार्यकर्ते असे वागत असतील तर राष्ट्रवादीचे नेते महाराष्ट्रात कसे फिरता कसे ते आम्ही बघतो  त्यांना जागोजागी चपलांचा हार घालतो मग चपला मोजायचे काम त्यांनी करावं, भाजपचे कार्यकर्ते  गप्प बसणार नाही’ असा इशारा राणेंनी दिला.