हॅलो महाराष्ट्र ऑनलाईन । कोरोना रूग्णांच्या मजबुरीचा फायदा घेत या साथीच्या कालखंडात रुग्णवाहिका इच्छित भाडे आकारत आहेत. अशा आपत्कालीन परिस्थितीत इतर पर्याय नसल्यामुळे लोकांना पैसे द्यावे लागतात. आजकाल अशाच प्रकारची एक घटना नोएडाहून समोर आली आहे. जेथे रुग्णवाहिका चालकाच्या नातेवाईकांनी कोरोना बाधित रूग्णाला रूग्णालयात नेण्यासाठी 42000 हजार रुपये घेतले. कुटुंबातील असहाय्य लोकांना पैसे देणं भाग होत. अवघ्या 25 किलोमीटरच्या अंतरासाठी त्यांनी एवढी मोठी रक्कम दिली. म्हणजेच प्रत्येक किलोमीटरसाठी 3500 रुपये आकारले गेले.
हे प्रकरण सोशल मीडियाच्या माध्यमातून समोर आले आणि त्यानंतर पोलिसांनी त्यांच्या पातळीवर कारवाई केली आणि ड्रायव्हरपर्यंत पोहोचले. त्यानंतर केस उघडली गेली, पोलिस कारवाई करण्यात आली आणि नंतर असे काही घडले ज्यामुळे आपला मानवतेवरील विश्वास पुन्हा पूर्ववत होईल. गाडी नंबर ट्रेस करताना पोलिसांनी चालकाला पकडले. जेव्हा ड्रायव्हर पकडला, तेव्हा त्याने आपली चूक कबूल केली आणि कायदेशीर पैसे कट करून उर्वरित पैसे परत केले. मिळालेल्या माहितीनुसार, पोलिसांच्या चौकशीदरम्यान रुग्णवाहिका चालकाने सांगितले की, तो रुग्णाबरोबर अनेक रुग्णालयात गेला आणि त्याने पूर्णपणे मदत केली. परंतु 25 किमीसाठी 42 हजारांच्या मागणीला तो बरोबर सिद्ध नाही करू शकला.
पोलिसांच्या कारवाईनंतर रुग्णवाहिका चालकाला कुटुंबाकडे 40 हजार रुपये परत करावे लागले. यासह पोलिसांनी वाहनचालकाकडून माफीनामा लिहून घेतला आणि रुग्णवाहिकेचे चलनही फाडले. यासह रुग्णवाहिकेच्या चालकाने आपली चूक कबूल केली. याद्वारे पोलिसांनी हे स्पष्ट केले की, कोणी अधिक भाडे मागितल्यास तातडीने वाहतूक पोलिसांच्या हेल्पलाईनशी संपर्क साधा. अशा लोकांवर कठोर कारवाई केली जाईल. विशेष म्हणजे कोरोना संकटाच्या पार्श्वभूमीवर एकीकडे कोरोना वॉरियर चिंतामुक्त होऊन आपल्या प्राणांशी खेळून इतरांचे प्राण वाचविण्यात व्यस्त आहे, तर दुसरीकडे अशा लोकांची कमतरता नाही जी ह्या संधीचा फायदा घेत आहेत.
