सातारा प्रतिनिधी | शुभम बोडके
सातारा शहरातील भूविकास बॅंकेजवळ शिवजयंतीचा बॅनर लावताना विजेच्या तारेचा धक्का लागून एकजण जखमी झाला आहे. विजेच्या तारेला धक्का लागल्याने एक युवक वरून खाली पडला आहे. जखमी युवकाला सिव्हिल हाॅस्पीटलमध्ये उपचारासाठी दाखल करण्यात आले आहे.
घटनास्थळावरू मिळालेली माहिती अशी, सातारा शहरातील बसस्थानकाजवळ असलेल्या भूविकास बॅंकेजवळील चाैकात शिवजयंतीची पूर्वतयारीसाठी बॅनर लावला जात होता. भूविकास बॅंक चाैकातील खंडू वडापाव सेंटरच्या पाठिमागे असलेल्या जाहिरात होर्डिंगवरती तरूण चढला होता. यावेळी जवळून जाणाऱ्या तारेचा स्पर्श युवकास झाल्याने तो खाली पडला. जाहिरात होर्डिंगच्या खाली असलेल्या खंडू वडापास गाड्यावर तरूण पडला.
शहरातील प्रमुख चाैकात ही दुर्घटना घडल्याने लोकांनी घटनास्थळी मोठी गर्दी केली होती. तातडीने लोकांनी जखमी तरूणास उपचारासाठी सरकारी सिव्हिल रूग्णालयात दाखल करण्यात आले. या चाैकात सातारचे आ. शिवेंद्रसिंहराजे भोसले यांचा जाहिरात फलक लावण्यात येत होता.