हॅलो महाराष्ट्र ऑनलाईन । चीनी अधिकाऱ्यांनी हे स्पष्ट केले आहे की, हाँगकाँगमध्ये केलेल्या गुन्ह्यांचा आरोप असणार्‍या आरोपीना नवीन सुरक्षा कायद्यांतर्गत खटला चालवण्यासाठी आता चीनला पाठविले जाणार नाही. हाँगकाँगस्थित वृत्तपत्र ‘साउथ चाइना मॉर्निंग पोस्ट’ने सूत्रांच्या हवाल्याने असे म्हटले आहे की, चीनच्या या नविन राष्ट्रीय सुरक्षा कायद्याला आता हाँगकाँगच्या कायदा आणि सुव्यवस्थेमध्ये समाविष्ट केला जाईल.
या कायद्याखाली खटल्याला सामोरे जाण्यासाठी आरोपींना सीमेपलिकडे चीनी मुख्य भूमीकडे पाठविले जाणार नाही. हा नवीन कायद्यामुळे चीनच्या सुरक्षा एजन्सींना पहिल्यांदाच हाँगकाँगमध्ये आपली शाखा उघडण्याची परवानगी मिळेल.
हाँगकाँग बार असोसिएशनने म्हटले आहे की,’ चीनमधील हा प्रस्तावित नवीन सुरक्षा कायदा न्यायालयात अडचणीत येऊ शकतो, कारण बीजिंगला यापूर्वी या ब्रिटीश वसाहतीसाठी राष्ट्रीय सुरक्षा कायदा लागू करण्याचा कोणताही कायदेशीर अधिकार नव्हता. या कायद्यासंदर्भात हाँगकाँगमध्ये तीव्र विरोध होतो आहे.
रविवारी हाँगकाँगमध्ये या कायद्यासंदर्भात झालेल्या निदर्शनांमध्ये हजारो लोकांनी भाग घेतला. यापूर्वी हाँगकाँग सरकारने नियोजित कायद्यानुसार आरोपींना ट्रायलसाठी चीनकडे पाठविण्याच्या विरोधात मोठ्या प्रमाणावर निदर्शने केली. तसेच आंदोलकांनी या शहरातील जनजीवन जवळपास एक वर्ष अस्ताव्यस्त ठेवले.
“या नवीन कायद्यांतर्गत आरोपींविरोधात हाँगकाँगमध्ये खटला चालवावा लागेल,” असे वृत्तपत्राने वृत्त दिले आहे. त्यांना ट्रायलसाठी आता चीनच्या मुख्य भूमीवर पाठविले जाणार नाही. “
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.