भिवंडी : हॅलो महाराष्ट्र – ठाणे जिल्ह्यात चोरीच्या घटनांमध्ये मोठ्या प्रमाणात वाढ झाली आहे. भिवंडीमध्ये अशीच एक चोरीची घटना समोर आली आहे. यामध्ये घराबाहेर पार्क करण्यात आलेली महागडी बाईकच चोरटयांनी पळवून नेली आहे. भिवंडी तालुक्यातील वडपे गावात ही घटना घडली आहे. चोरीची संपूर्ण घटना घराबाहेर लावण्यात आलेल्या सीसीटीव्ही कॅमेऱ्यात कैद झाली आहे.
https://twitter.com/RajaramUbhe/status/1497586191046418434
काय आहे प्रकरण ?
भिवंडी तालुक्यातील वडपे गावात राहणारे जयेश पाटील यांच्या घराजवळ पार्क केलेली महागडी बाईक अज्ञात चोरांनी शुक्रवारी रात्रीच्या सुमारास चोरी केली. ही सर्व चोरीची घटना सीसीटीव्हीमध्ये कैद झाली आहे. पोलीस या सीसीटीव्हीच्या आधारे चोरट्यांचा शोध घेत आहेत.
नागपूर शहरातील हुडकेश्वर पोलीस ठाण्याच्या हद्दीतदेखील चोरीची एक घटना घडली आहे. या घटनेत आरोपी चोराला घरात काहीच मुद्देमाल न सापडल्याने तो भयंकर चिडला. त्यानंतर त्याने त्या घरातून निघण्याच्या अगोदर घरमालकासाठी एक चिठ्ठी लिहिली. या चिठ्ठीमध्ये त्याने “घरातून कोणताही मुद्देमाल चोरीला गेला नाही” असं म्हटलं आहे. शिवाय संबंधित चिठ्ठीत त्याने घरमालकाची लायकी काढत त्याला भिकारी म्हंटले आहे.