नवी दिल्ली । पतंजली आयुर्वेदची (Patanjali Ayurveda) खाद्य तेल कंपनी रुचि सोया पुढील वर्षी फॉलो-ऑन पब्लिक ऑफर (FPO) देईल. बाबा रामदेव म्हणाले की, कंपनीमधील प्रवर्तकांची भागीदारी कमी करण्यासाठी ही जाहीर ऑफर आणण्याचा निर्णय घेण्यात आला आहे. पतंजली आयुर्वेदने गेल्या वर्षी रुचि सोया (Ruchi Soya) ताब्यात घेतला होता. चालू आर्थिक वर्षात कंपनी वेगाने वाढ नोंदवेल अशी आशा बाबा रामदेव (Baba Ramdev) यांनी व्यक्त केली आहे.
रुचि सोयामध्ये प्रमोटरर्सची 99% भागीदारी
पतंजलीने इंसुल्व्हन्सी प्रक्रियेद्वारे (Insolvency Process) रुचि सोयाला मागील वर्षी 4,350 कोटी रुपयांमध्ये विकत घेतले. रुचि सोया स्टॉक एक्सचेंजमध्ये लिस्टेड कंपनी (Listed Company) आहे. सध्या कंपनीमधील प्रमोटरर्सची (Promotors) भागीदारी सुमारे 99% आहे. नियमानुसार त्यांना कंपनीतील भागभांडवल कमी करून 25 टक्के सार्वजनिक भागभांडवल (Public Shareholding) करावे लागेल. रामदेव म्हणाले की, आपला हिस्सा कमी करण्यासाठी आम्ही पुढच्या वर्षी FPO सादर करत आहोत.
प्रमोटरर्स अशा दोन वेळा आपला भागभांडवल कमी करतील
पतंजलीच्या एका अधिकाऱ्याने सांगितले की, जून 2021 पर्यंत प्रमोटरर्स रुचि सोयामधील आपली हिस्सेदारी 10 टक्क्यांनी कमी करणार आहेत. त्याचबरोबर या नंतरच्या 36 महिन्यांत त्याचा वाटा एकूण 25 टक्क्यांनी कमी करावा लागेल. कंपनी मंडळाने या संदर्भातील प्रस्ताव मंजूर केला आहे. तथापि, बाबा रामदेव यांनी पुढील वर्षी सादर केल्या जाणार्‍या सार्वजनिक ऑफरच्या आकाराबद्दल कोणतीही माहिती दिली नाही. सध्या कंपनीच्या प्रमोटर आणि प्रमोटरर्सच्या गटात 98.90 टक्के आणि सार्वजनिक भागधारकांमध्ये 1.10 टक्के हिस्सा आहे, ज्यास नॅशनल कंपनी लॉ ट्रिब्यूनल (NCLT) ने मान्यता दिली आहे. एफपीओ कंपनीतील सामान्य गुंतवणूकदारांचा वाटा 25 टक्क्यांपर्यंत वाढवेल.
ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला WhatsApp करा आणि लिहा “Hello News”.