PhonePe युझर्सना मोठा धक्का ! आता मोबाईल रिचार्ज करणे महागले

नवी दिल्ली । जर तुम्ही मोबाईल आणि डीटीएच रिचार्ज करण्यासाठी, पाणी आणि वीज बिल भरण्यासाठी, किराणा दुकानातून वस्तू खरेदी करण्यासाठी, गॅस सिलेंडर बुक करण्यासाठी किंवा ऑनलाईन ऑर्डर करण्यासाठी PhonePe App वापरत असाल. तर आता PhonePe युझर्ससाठी एक वाईट बातमी आहे. वास्तविक, आता डिजिटल पेमेंट कंपनी PhonePe द्वारे मोबाईल रिचार्ज वापरणे महाग झाले आहे.

PhonePe ने काही युझर्सकडून मोबाईल रिचार्जसाठी 1 ते 2 रुपयांचे प्लॅटफॉर्म शुल्क आकारण्यास सुरुवात केली आहे. विशेष गोष्ट म्हणजे हे अतिरिक्त शुल्क कोणत्याही पेमेंट मोड (UPI, डेबिट कार्ड, क्रेडिट कार्ड आणि फोनपे वॉलेट) च्या माध्यमातून करणाऱ्या रिचार्जवर लागू केले जात आहे.

कंपनी करत आहे प्रयोग
कंपनीच्या प्रवक्त्याने सांगितले की, जे या प्रयोगाचा (Experiment) भाग आहेत त्यांच्यासाठी 50 ते 100 रुपयांच्या ट्रान्सझॅक्शनसाठी 1 रुपये आणि 100 रुपयांपेक्षा जास्त ट्रान्सझॅक्शनसाठी 2 रुपये शुल्क आहे. मीडिया रिपोर्टनुसार, प्रवक्त्याने सांगितले की, हा एका छोट्या बेसवर एक प्रयोग आहे. बहुतांश युझर्सना कदाचित 1 रुपये शुल्क आकारले जात आहे आणि ते ऍक्टिव्ह युझर्सपैकी आहेत. अद्याप काहीही ठरलेले नाही.

 

तुम्ही PhonePe वर सर्व इन्शुरन्स कंपन्यांचे प्रॉडक्ट्स खरेदी करू शकाल
अलीकडेच, PhonePe ने सांगितले की, त्याला लाईफ इन्शुरन्स आणि सामान्य इन्शुरन्स प्रॉडक्ट्स विकण्यासाठी IRDAI कडून तत्त्वतः मान्यता मिळाली आहे. कंपनीने म्हटले होते की, यासह ते आता आपल्या 30 कोटींहून अधिक युझर्सना इन्शुरन्स संबंधित सल्ला देऊ शकते. IRDAI ने PhonePe ला इन्शुरन्स ब्रोकिंग लायसन्स दिला आहे. आता PhonePe भारतातील सर्व इन्शुरन्स कंपन्यांची इन्शुरन्स प्रॉडक्ट्स विकू शकते.