1 मार्चपासून BoB मध्ये होत आहे मोठे बदल, आपण आता पैशांचा व्यवहार कसा करू शकाल हे जाणून घ्या

नवी दिल्ली । जर आपलेही बँक ऑफ बडोदामध्ये खाते असेल तर आपल्यासाठी एक मोठी बातमी आहे. 1 मार्च 2021 नंतर आपण ऑनलाइन व्यवहार करू शकणार नाही. काही काळापूर्वी केंद्र सरकारने देना बँक (Dena Bank) आणि विजया बँक (Vijaya Bank) या दोन्हींचे विलीनीकरण बँक ऑफ बडोदामध्ये झाले आहे, त्यानंतर या दोन बँकांचे ग्राहक बँक ऑफ बडोदाचे ग्राहक झाले. विजया बँक आणि देना बँकेचे आयएफएससी कोड 1 तारखे पासून काम करणार नाहीत. म्हणजेच ग्राहकांना नवीन आयएफएससी कोडची आवश्यकता असेल. चला तर मग आज सर्व संबंधित प्रश्नांची उत्तरे जाणून घेउयात…

आपण ऑनलाइन व्यवहार करू शकणार नाही?
आयएफएससी कोड बदलल्यानंतर ग्राहक ऑनलाइन पैसे ट्रान्सफर करू शकणार नाहीत. बँक ऑफ बडोदाने (BoB) सोशल मीडिया पोस्टच्या माध्यमातून ही माहिती देताना म्हटले आहे की,’ 1 मार्च 2021 पासून ई-विजया आणि ई-देना आयएफएससी कोड बंद केले जातील.’

ग्राहकांवर काय परिणाम होईल?
आयएफएससी कोडमधील बदलांचा परिणाम खातेदारांवर होईल. ऑनलाइन व्यवहारासाठी तुम्हाला बँकेचा आयएफएससी म्हणजेच इंडियन फायनान्शिअल सिस्टम कोड जोडावा लागेल. तर आपला नवीन आयएफएससी कोड त्वरीत माहित करून घ्या, अन्यथा आपण 1 फेब्रुवारीपासून पैसे ट्रान्सफर करण्यास सक्षम होणार नाही.

आपण एसएमएसद्वारे आयएफएससी कोड शोधू शकता?
याशिवाय आपण मेसेज देखील करू शकता. या मेसेजमध्ये आपल्याला “MIGR <Space> Last 4 digits of the old account number” लिहावे लागेल. आता हा मेसेज आपल्या रजिस्टर्ड मोबाइल नंबरवरून 8422009988 वर पाठवा.

मिस्ड कॉल करून आपण हा कोड माहिती करू शकता?
आयएफएससी कोडशी संबंधित कोणतीही समस्या असल्यास आपण या टोल फ्री क्रमांकावर 1800 258 1700 वर कॉल करू शकता किंवा आपण बँक शाखेत देखील भेट देऊ शकता.

आयएफएससी कोड म्हणजे काय?
आयएफएससी कोड 11 अंकांचा असतो. आयएफएससी कोडमधील सुरुवातीची चार अक्षरे बँकेचे नाव दर्शवितात. आयएफएससी कोड इलेक्ट्रॉनिक पेमेंट दरम्यान वापरला जातो. त्या कोडद्वारे बँकेच्या कोणत्याही शाखेला ट्रॅक केले जाऊ शकते. आपण बँक खाते आणि चेक बुकद्वारे देखील शोधू शकता.

चेक बुक येण्यास किती वेळ लागू शकतो?
बँक ऑफ बडोदाने असेही म्हटले आहे की, ग्राहकांना त्यांच्या बँक शाखेतून 31 मार्च 2021 पर्यंत नवीन MICR कोड असलेले चेक बुक मिळू शकेल. याशिवाय तुम्ही नेट बँकिंग / मोबाइल बँकिंग वरूनही नवीन चेकबुकसाठी अर्ज करू शकता.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”