हॅलो महाराष्ट्र ऑनलाइन | उत्तरप्रदेश विधानसभा निवडणुकीत राष्ट्रवादी काँग्रेसने समाजवादी पक्षासोबत युती केली आहे. पहिल्या टप्प्यात समाजवादी पक्षा कडून राष्ट्रवादीला एकमेव जागा देण्यात आली होती मात्र ती सुद्धा सपा ने परत घेतल्याच्या बातम्या आहेत. यावरून भाजप प्रवक्ते केशव उपाध्ये यांनी शरद पवारांवर निशाणा साधला.
उत्तर प्रदेशातल्या एका जागेसाठी सपाच्या अखिलेश यादव यांच्या पुढे हात पसरूनही काही उपयोग झाला नाही. त्यांनी जागा दिल्यासारख केल काढून पण घेतली. आता शरद पवार साहेब एका जागेवर तरी स्वबळावर लढण्याची हिंमत दाखवा. कसे जाणार साडेतीन जिल्ह्यांपलीकडे? असे ट्विट केशव उपाध्ये यांनी केलं आहे.
उत्तर प्रदेशातल्या एका जागेसाठी सपाच्या @yadavakhilesh पुढे हात पसरूनही काही उपयोग झाला नाही. त्यांनी जागा दिल्यासारख केल काढून पण घेतली. आता @PawarSpeaks एका जागेवर तरी स्वबळावर लढण्याची हिंमत दाखवा. कसे जाणार साडेतीन जिल्ह्यांपलीकडे?
— Keshav Upadhye (@keshavupadhye) January 18, 2022
दरम्यान, राष्ट्रवादी काँग्रेस आगामी उत्तरप्रदेश,उत्तराखंड आणि गोवा विधानसभा निवडणूक लढवणार आहे. गोव्यात राष्ट्रवादी स्वबळावर लढण्याच्या तयारीत आहे. उत्तराखंड येथे राष्ट्रवादीने काँग्रेस सोबत आघाडी केली आहे तर उत्तरप्रदेश मध्ये समाजवादी पक्षासोबत युती केली आहे. शरद पवार हे स्वतः निवडणूकीच्या प्रचाराला उत्तरप्रदेशला जाणार आहेत.
