हॅलो महाराष्ट्र ऑनलाईन : भाजपकडून जातीपातीच्या नावाखाली राजकारण केलं जात असल्याचा आरोप यापूर्वी इतर नेत्यांकडून करण्यात आला आहे. तसेच ओबीसी वर्गातील नेत्यांना कशा प्रकारे भाजपकडून टार्गेट केलं जात याविषयी अनेक नेत्यांनी टीका केली आहे. त्यांच्यानंतर आता एकनाथ खडसे यांनी भाजपवर जोरदार हल्लाबोल केला आहे. राज्यात भाजपकडून ओबीसी नेत्यांवर अन्याय केला जात आहे. त्यांना जाणिवपूर्वक टार्गेटही केल जातय. सर्वात जास्त गोपीनाथ मुंडे यांनाही त्रास देण्याचं काम भाजपने केलं असल्याच खडसेंनी म्हंटल आहे.
भाजपमधून राष्ट्रवादीत प्रवेश केलेले एकनाथ खडसे यांनी यावेळी भाजपला टार्गेट केलं. त्यांनी आज प्रसिद्धीमाध्यमांशी संवाद सोडला. यावेळी ते म्हणाले, मागील काही चार ते पाच वर्षाचा बारकाईने विचार केला तर असं पाहायला मिळेल कि भाजपकडून जाणीवपूर्वक ओबीसींमधील काही नेत्यांना टार्गेट करण्यात आलेले आहे. यामध्ये सर्वात जास्त गोपीनाथ मुंडे यांनाही त्रास देण्याचं काम भाजपने केलं असल्याचा खळबळजनक आरोपही खडसे यांनी यावेळी केला.
आता भाजपमधून राष्ट्रवादीत आलेल्या खडसे यांनी गंभीर आरोप केल्यानंतर त्याला भाजपकडून काय उत्तर दिल जाणार ? याकडे सर्वांचे लक्ष लागले आहे. एकंदरीत भाजपकडून अशा प्रकारे ओबीसी नेत्यांना दिला जाणारा त्रास याबाबत खुद्द एकनाथ खडसेंनी माहिती दिली आहे. राज्यात आता भाजप पक्षावर तसेच त्यातील नेत्यांवर राष्ट्रवादीच्या नेत्यांकडून दररोज सडकून टीका केली जात आहे.