नवी दिल्ली । चीनचे (China) अब्जाधीश उद्योजक आणि अलिबाबाचे संस्थापक जॅक मा (Jack Ma) हे पहिले दोन महिने गायब झाल्यामुळे आणि आता नाट्यमय मार्गाने जगासमोर आल्यामुळे चर्चेत आहेत. ते श्रीमंत चीनी उद्योगपती (Richest Chinese Industrialist) मानले जातात. मात्र, चीनमध्ये सध्या झोंग शानशैन (Zhong Shanshan) अधिक श्रीमंत उद्योगपती आहेत. खरं तर, ब्लूमबर्ग अब्जाधीश निर्देशांकात सप्टेंबर 2020 मध्ये जाहीर झालेल्या जगातील 500 श्रीमंतांच्या यादीत झोंग यांनी जॅक मा यांना मागे टाकले होते. एवढेच नव्हे तर ते जगातील 17 तर आशियातील दुसऱ्या क्रमांकाची श्रीमंत व्यक्ती बनले होते.
सप्टेंबर 2020 मध्ये ब्लूमबर्गच्या लिस्ट नुसार झोंग यांची एकूण मालमत्ता 58.7 अब्ज डॉलर्स (सुमारे 34.3434 लाख कोटी रुपये) होती. त्याच वेळी जॅक मा यांची त्यावेळी नेटवर्थ 56.7 अब्ज डॉलर्स (सुमारे 4.19 लाख कोटी रुपये) होती. ऑक्टोबर 2020 मध्ये चीनच्या कम्युनिस्ट सरकारची धोरणे आणि सरकारी बँकिंग सिस्टीम विरूद्ध बोलल्यानंतर जॅक मा अचानक गायब झाले. यानंतर त्यांची नेटवर्थ कमी झाली. डिसेंबर 2020 मध्ये 182 अब्ज डॉलर्सच्या संपत्तीसह जगातील श्रीमंत व्यक्तींच्या यादीमध्ये जेफ बेझोस पहिल्या क्रमांकावर होते. फोर्ब्सच्या मते, यावेळी शंगान यांची एकूण मालमत्ता 91.8 अब्ज डॉलर्स आहे. त्याच वेळी, जॅक मा यांची एकूण संपत्ती सध्या 52.9 अब्ज डॉलर्स आहे.
लोन वुल्फ म्हणून प्रसिद्ध असलेल्या झोंगने अनेक कामांमध्ये नशीब आजमावले
चीनमध्ये ‘लोन वुल्फ’ म्हणून ओळखल्या जाणार्‍या झोंग यांनी कंस्ट्रक्शन, पत्रकारिता, औषधी उत्पादन आणि बाटलीबंद पाण्याच्या क्षेत्रात काम केले आहे. त्यापैकी बाटलीबंद पाणी आणि औषधाच्या उत्पादनामुळे ते चीनमधील सर्वात श्रीमंत उद्योजक बनले आहे. 1996 मध्ये सुरू झालेल्या नंगफू स्प्रिंग (Nongfu Spring) या बाटलीबंद पाण्याच्या कंपनीत त्यांचा 84 टक्के हिस्सा आहे. कंपनीचे मुख्यालय क्विंडनाओ (Qiandao) लेक प्रांतातील झेजियांग (Zhejiang) येथे आहे. चीनमधील या भागात सर्वात स्वच्छ पाणी उपलब्ध आहे. पॅकेजिंगसाठी कंपनी या तलावातील पाण्याचा वापर करते. त्यांनी कंपनीची टॅग लाईन ‘टेस्ट अ बिट स्वीट’ ठेवली आहे. कंपनी बाटलीबंद पाण्याबरोबर फ्लेवर्ड वॉटर, चहा, कॉफी आणि ज्यूस देखील तयार करते.
शेअर बाजारात एंट्री झाल्यानंतर झोंगची नेटवर्थ खूपच वेगाने वाढली
नंगफू स्प्रिंग ही चीनच्या चहा आणि ज्यूस बाजारातील पहिल्या तीन कंपन्यांपैकी एक आहे. कोविड -१९ चाचणी किट बनवणाऱ्या ‘बीजिंग वन्ताई बायोलॉजिकल फार्मसी एंटरप्रायझेस’ या कंपनीत झोंगची 75 टक्के भागीदारी आहे. एप्रिल 2020 मध्ये वांताईने शेअर बाजारामध्ये आपले शेअर्स लिस्ट केले. या लिस्टिंग मुळे, ऑगस्ट 2020 मध्येच झोंगची संपत्ती 20 अब्ज डॉलर्सपर्यंत पोहोचली. त्याच वेळी, नूंगफू स्प्रिंग सप्टेंबर 2020 मध्ये हाँगकाँग स्टॉक मार्केटमध्ये लिस्ट झाला. पहिल्याच दिवशी शेअर्सने 85 टक्क्यांची उडी घेतली. सन 2020 मध्येच झोंगची संपत्ती 51.9 अब्ज डॉलर्सने वाढली.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.