हॅलो महाराष्ट्र ऑनलाईन । कोरोनाविरुद्धच्या लढाईत अनेक जण केंद्र आणि राज्य सरकारांना आर्थिक मदत करत आहे. अशातच जगातील सर्वात मोठ्या सर्च इंजिन असलेल्या गुगलचे सीईओ सुंदर पिचाई यांनी भारताला ५ कोटी इतकी मदत दिली आहे. कोरोना व्हायरस विरुद्धच्या लढाईत मोठ्या व्यक्ती आणि उद्योग संघटना केंद्र आणि राज्य सरकारांना आर्थिक स्वरुपात मदत करत आहेत. भारतीय स्टार, उद्योजक, क्रिकेटपटूंनी काही कोटींमध्ये मदत जाहीर केली आहे.
दरम्यान, गुगलचे सीईओ सुंदर पिचाई यांनी कोरोना महामारी विरुद्धच्या लढाईत गिव्ह इंडियाला ५ कोटी रुपये दान केले आहेत. गिव्ह इंडियाने यासंदर्भात ट्वीट केले आहे. करोनामुळे जाहीर करण्यात आलेल्या लॉकडाऊनच्या काळात संकटात अडकलेल्या मजूरांच्या कुटुंबियांसाठी रोख रक्कम म्हणून गुगलकडून पाच कोटी रुपये देण्यासाठी सुंदर पिचाई तुमचे धन्यवाद!
Thank you @sundarpichai for matching @Googleorg ‘s ₹5 crore grant to provide desperately needed cash assistance for vulnerable daily wage worker families. Please join our #COVID19 campaign: https://t.co/T9bDf1MXiv @atulsatija
— GiveIndia (@GiveIndia) April 13, 2020
सुंदर पिचाई यांच्याकडून ही मदत देण्याआधी गुगलने करोनाग्रस्तांसाठी ८० कोटी डॉलर्सची मदत करण्याची घोषणा केली होती. यात स्वयंसेवी संस्था आणि बँकांसाठी २० कोटी डॉलर देण्याचा समावेश होता. यामुळे छोट्या उद्योजकांना आर्थिक मदत केली जाईल.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “HelloNews”