…जेव्हा शारजाहमधील त्या ‘डेझर्ट स्टोर्म’ सामन्यानंतर सचिनला त्याच्या भावाला फटकारले जाणून घ्या

हॅलो महाराष्ट्र ऑनलाईन । भारताचा महान फलंदाज सचिन तेंडुलकर याला क्रिकेटचा देव म्हणतात. कारकीर्दीत असंख्य वेळा सचिनने आपल्या दमदार खेळाने भारतीयांच्या चेहऱ्यावर हास्य आणले आहे.त्याने अशा काही इनिंग्स खेळलेल्या आहेत ज्यांच्या आठवणी अजूनही क्रिकेट चाहत्यांच्या मनात जिवंत आहेत आणि त्यांना त्या कधीही विसरता येणार नाहीत.१९९८ मध्ये सचिनने ऑस्ट्रेलियाविरुद्ध असाच एक दमदार खेळी केली होती,ज्याला ‘डेझर्ट स्टोर्म’असेही म्हणतात. १९९८ मध्ये भारत, ऑस्ट्रेलिया आणि न्यूझीलंड यांच्यात एक ट्राएँग्युलर सिरीज खेळली गेली होती.

२२ एप्रिल १९९८ रोजी कोका कोला कपमध्ये भारत आणि ऑस्ट्रेलिया यांच्यात एक सामना खेळला गेला. भारतीय संघासाठी हा सामना करा अथवा मरा असा होता. अंतिम सामन्यात पोहोचण्यासाठी टीम इंडियाला कोणत्याही परिस्तिथीत विजय मिळवावा लागणार होता.

OTD: Sachin Tendulkar's Desert Storm knock vs Australia - Sportstar
दोन्ही संघांमधील हा सामना शारजाह येथे सुरू होता जिथे ऑस्ट्रेलियाने प्रथम फलंदाजी करताना भारतीय संघाला विजयासाठी २८५ धावांचे लक्ष्य दिले.जेव्हा भारतीय संघ या लक्ष्याचा पाठलाग करायला आला तेव्हा सामन्यादरम्यान आलेल्या वाळूच्या वादळामुळे खेळ थांबवावा लागला.त्यानंतर भारतीय संघाला ४६ षटकांत २५५ धावांचे सुधारित लक्ष्य मिळाले.

वाळूचे वादळ थांबले तेव्हा पुन्हा एकदा खेळ सुरू करण्याची तयारी सुरू होती,पण कोणाला माहित होतं की मैदानात अजून एक मोठे वादळ येणार आहे या नव्या वादळाचा सामना भारतीय संघाला करावा लागणार नव्हता तर विरोधी आणि तत्कालीन नंबर एकचा संघ, ऑस्ट्रेलिया आणि वादळ म्हणून आलेल्या सचिन तेंडुलकरने या सामन्यात ऑस्ट्रेलियन गोलंदाजांची अक्षरशः धुलाई केली आणि १३१ चेंडूत १४३ धावांचे तुफानी खेळी केली.सचिनच्या या खेळीला नंतर ‘डेझर्ट स्टोर्म’ असे नाव देण्यात आले.

सचिनने नुकत्याच झालेल्या ‘स्टार स्पोर्ट्स’च्या ऑनलाइन कार्यक्रमात त्याच्या दमदार खेळीबद्दलच्या काही मनोरंजक आठवणी शेअर केल्या आहेत.या दरम्यान,भारतीय संघ कोका-कोला कप जिंकून जेव्हा भारतात परत आला तेव्हा आपल्या भावाने आपल्याला का फटकारले हे सचिनने सांगितले.

Sachin Tendulkar's recollection of the 'Desert Storm' innings in ...

सचिन म्हणाला, “जेव्हा मी माझ्या घरी परत आलो तेव्हा माझा भाऊ अजित तेंडुलकरने मला खूप फटकारले.यामागचे कारण ऑस्ट्रेलियाविरुद्धच्या या सामन्यात फलंदाजी करताना मी व्हीव्हीएस लक्ष्मणवर ओरडलो होतो.”

तो म्हणाला, “जेव्हा या ‘डेझर्ट स्टोर्म’ सामन्यात लक्ष्मण माझ्याबरोबर फलंदाजी करीत होता,तेव्हा मी धाव काढण्यासाठी त्याच्यावर ओरडलो. मी त्याला सांगितले की तू धाव घेण्यासाठी धावत का नाहीस.दबाव-असलेल्या अशा सामन्यात,कधीकधी आपण स्वत: वर नियंत्रण ठेवू शकत नाही आणि मग असे घडते.

सचिन म्हणाला, “या घटनेनंतर जेव्हा मी घरी परत आलो तेव्हा माझ्या भावाने मला सांगितले की तू लक्ष्मणला अशाप्रकारे ओरडू शकत नाहीस.तोही भारतीय संघाकडून खेळतो आणि तूही,हा तुझ्या एकट्याचा सामना नव्हता.तोही तुझ्याबरोबर खेळत होता.

Incredible Moments: Sachin Tendulkar's first 'desert storm ...

ऑस्ट्रेलियाविरुद्धच्या या सामन्यात सचिन आणि लक्ष्मण यांच्यातील पाचव्या विकेटसाठी १०४ धावांची महत्त्वपूर्ण भागीदारी केली होती.या सामन्यात लक्ष्मणने ३४ चेंडूत २३ धावांचे योगदान दिले.
भारतीय संघाने २६ धावांनी हा सामना गमावला असला तरी, त्या संघाने सरस धाव गतीच्या जोरावर अंतिम फेरी गाठण्यात यश मिळविले.

सचिन म्हणाला, “जरी आम्ही अंतिम फेरी गाठली असलो तरी आम्ही नेहमीच हा सामना जिंकला असता आणि येथे पोहोचलो असतो, हे माझ्या मनात नेहमीच होते.” सामना जिंकणे आणि अंतिम फेरी गाठणे यामुळे आम्हाला एक वेगळा आत्मविश्वास मिळाला असता.

तो म्हणाला, “तुम्ही सामना जिंकून अंतिम सामन्यास पात्र ठरणे आणि धाव गतीच्या आधारे पात्र यात फरक असतो.येथे विरोधी संघ मानसिकदृष्ट्या तुमच्या वरचढ असतो हे परंतु तसे करणे त्यांना शक्य झाले नाही. त्यानंतर पुन्हा मी विचार केला की अंतिम सामन्यात आपण जिंकण्याचा प्रयत्न करू. ”

भारतीय संघ ऑस्ट्रेलियाबरोबरच अंतिम सामन्यात भिडला.या सामन्यातही सचिनने चमकदार शतक झळकावत भारतीय संघाला जेतेपद मिळवून दिले.

Tendulkar recalls 1998 Sharjah knocks against Australia - The Hindu
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.

You might also like