हॅलो महाराष्ट्र ऑनलाईन । अनेकजण सचिन तेंडुलकरसोबत क्रिकेटच्या मैदानावर खेळण्याचे स्वप्न पाहत असतात, मात्र अगदी काही खेळाडूंचेच हे स्वप्न पूर्ण झाले आहे. या खेळाडूंपैकीच एक ऑस्ट्रेलिया क्रिकेट संघाची अष्टपैलू अ‍ॅनाबेल सदरलँड ही देखील आहे. ऑस्ट्रेलियाच्या जंगलाच्या आगीत बळी पडलेल्यांना मदत करण्यासाठी बुशफायर क्रिकेट बॅश खेळला गेला. तेव्हा ऐलिस पेरीसह अ‍ॅनाबेल सदरलँडने सचिनला गोलंदाजी केली. सदरलँड याविषयी म्हणते की,’ तिच्या आयुष्यातील हा क्षण तिला आयुष्यभर लक्षात राहील.’
यावर्षी ९ फेब्रुवारी रोजी सचिनने ऑस्ट्रेलियाच्या जंगलात लागलेल्या आगीमुळे बळी पडलेल्यांना मदत करण्यासाठी बुशफायर क्रिकेट बॅश चॅरिटी सामन्यात सहभाग घेतला. हा सामना १० षटकांचा खेळवण्यात आला. ज्यामध्ये पेरी आणि सदरलँड यांनी सचिनला गोलंदाजी केली.
क्रिकेट डॉट कॉमने सोशल मीडियावर नुंतच एक व्हिडिओ पोस्ट केला आहे, ज्यात सदरलँडने म्हटले आहे की, “मी मिड-ऑफवर फिल्डिंग करत होते आणि मला वाटते की पेरीने तीन ते चार चेंडू सचिनला गोलंदाजी करून चेंडू मला दिला. मी सचिन तेंडुलकरला बॉलिंग केलेला हा क्षण मला नेहमीच आठवणीत राहील. सचिनला गोलंदाजी करताना मी खूपच घाबरले होते आणि मी त्याला फुल टॉस आणि एक चेंडू खाली टाकला. “
ती म्हणाली, “परंतु सचिन खूप दयाळू आहे आणि त्याने तो अगदी निवांतपणे खेळला. आमच्या सर्वांसाठी हा एक रोमांचक क्षण होता.”
__571_855.jpg)
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.