जिल्ह्यात असणाऱ्या कोपरगाव तालुक्यात एका तरुणीनं गळफास घेऊन आत्महत्या केल्याचं समोर आलं आहे. या घटनेनं कोपरगाव शहरात एकच खळबळ उडाली आहे. पूजा संजय अरगडे असं आत्महत्या करणाऱ्या तरुणीचं नाव आहे. या तरुणीनं नेमकी का आत्महत्या केली. हे अजून स्पष्ट झालं नाही.
माहेरून घर बांधण्यासाठी तीन लाख रुपये न आणल्यामुळे एका विवाहितेला तिच्या दोन मुलांना ठार मारून तीने आत्महत्या केल्याचे भासविणाऱ्या सासरच्या मंडळीवर कंधार पोलिस ठाण्यात खूनाचा गुन्हा दाखल करण्यात आला आहे. ही घटना गोणार येथे रविवारी १ डिसेंबर सायंकाळी घडली. घटना घडल्यासून सासरची मंडळी फरार असून त्यांना जोपर्यंत अटक करणार नाहीत. तोपर्यंत तिन्हीही मृतदेह ताब्यात घेणार नसल्याचा इशारा नातेवाईकांना दिला आहे. सध्या विष्णुपूरी येथील शासकिय रुग्णालयात तणावाचे वातावरण आहे. विहिरीत टाकणाऱ्या पतीसह पाच जनावर कंधार पोलीस ठाण्यात गुन्हा दाखल करण्यात आला आहे.
मागील सरकारच्या काळात भीमा-कोरेगाव येथे झालेल्या दंगलीत दलित चळवळीत काम करणाऱ्या कार्यकर्त्यांवर खोटे गुन्हे दाखल करण्यात आले आहेत. त्यामुळं या प्रकरणाची पुन्हा चौकशी करून सदरचे गुन्हे मागे घेण्यात यावेत अशी मागणी राष्ट्रवादी काँग्रेस चे आमदार जितेंद्र आव्हाड यांनी सरकारकडे केली आहे.
शिर्डी जवळच्या लोणी गावात शाब्दिक चकमकीतून झालेल्या गोळीबारात एकाचा जागीच मृत्यू झाला. आर्थिक देवाण घेवाण मधून घटना घडली असावी असा अंदाज पोलिसांकडून वर्तविला जात आहे. घटनास्थळावरुन गोळीबार करणारे आरोपी फरार झाले असून पोलीस त्यांचा कसून शोध घेत आहेत.
चंद्रपूर शहरालगत असलेल्या जुनोना गावात काल रात्री पैशाचा पाऊस पाडण्यासाठी सुरु असलेल्या अघोरी पूजेचा गावकऱ्यांनी भांडाफोड केला. धक्कादायक म्हणजे गावातील पोलीस पाटीलांचे वडील नत्थू औरसे या सर्व प्रकाराला संचालित करताना आढळल्याने या घटनेने रात्रभर गावात खळबळ माजली आहे. या घटनेची माहिती बल्लारपूर पोलिसांना देण्यात आली.
उस्मानाबाद येथे मजूर घेऊन जाणारी गाडी धुळे तालुक्यातील विंचूर शिवारातील पुलावरून खाली कोसळली. त्यामुळे अपघात होऊन ७ ठार १५ जखमी झाल्याचे वृत्त आहे. पहाटेची घटना जखमींना धुळे जिल्हा रुग्णालयात दाखल करण्यात आले आहे.
फेसबुक सारख्या प्रसिद्ध सोशल मिडिया प्लॅटफॉर्मवर बनावट अकाऊंट तयार करून अश्लील छायाचित्र प्रसिध्द करणे एका तरुणाच्या चांगलाच अंगलट आलं आहे. या तरुण आरोपीने एका अल्पवयीन मुलीचे बनावट फेसबुक अकाऊंट तयार करून त्यावरून कृत्य केलं आहे. या प्रकरणाचा रायगड पोलिसांच्या सायबर क्राईम विभागाने कौशल्यपूर्णरित्या छडा लावत या तरुणाला गजाआड केले आहे. राजेंद्र तेलंगे असे या तरुणाचे नाव असून त्याला २ डिसेंबपर्यंत पोलीस कोठडीत ठेवण्याचे आदेश न्यायालयाने दिले आहेत.
पीपल्स गुर्रिल्ला आर्मीच्या आजपासून सुरु झालेल्यास्थापना सप्ताहाला हिंसक वळण देत नक्षल्यांनी एटापल्ली तालुक्यातील पुरसलगोंदी येथील दोन नागरिकांची हत्या केली आहे. मासू पुंगाटी(५५) व ऋषी मेश्राम(५२) अशी मृतांची नावे आहेत. मासु पुंगाटी हे गाव पाटील, तर ऋषी मेश्राम हे राष्ट्रवादी काँग्रेसचे कार्यकर्ते होते.
औरंगाबाद जिल्ह्यातील कन्नड तालुक्यात असणाऱ्या आठेगाव येथे १८ वर्षीय तरुणीचा मृतदेह चापानेर शिवारातील शेतात आढळून आला आहे. या घटनेनं परिसरात एकच खळबळ उडाली आहे. या तरुणीचा खून करण्यात आला, की बलात्कार करून तिला मारण्यात आले, हे अजून स्पष्ट झालं नाही.
सातारा जिल्हा रुग्णालयातील डॉक्टरांच्या हलगर्जीपणामुळे तरुणाचा मृत्यू झाल्याची खळबळजनक घडली आहे. एक २२ वर्षीय तरुण तडफडत मृत्यूशी झुंज देत असताना सिव्हिल मधील डॉक्टर आणि परिचारिका मात्र मध्यरात्री गाढ झोपेत होते.