हॅलो महाराष्ट्र ऑनलाईन । गेले अनेक दिवस राज्यातील नोकरभरती प्रक्रिया लांबली आहे. निवडणूक आचारसंहिता, राष्ट्रपती राजवट, राज्यावर आलेले संकट आणि सध्या सुरु असणारे कोरोना संकट यामुळे साधारण फेब्रुवारी २०१९ पासून नोकरभरतीची प्रक्रिया या विविध कारणांनी लांबली आहे. महाविकास आघाडीच्या काळात महापोर्टल बंद करून सुधारित पद्धतीने महापोर्टल कडचा डाटा दुसऱ्या पोर्टल कडे हस्तांतरित करण्याचे काम सुरु असताना आता त्या प्रक्रियेला आणखी विलंब होत आहे. यामुळे राज्यातील बेरोजगार तरुणांचे मोठ्या प्रमाणात नुकसान होते आहे. शिक्षक भरतीची देखील हीच अवस्था आहे. यासंदर्भात रुहीनाझ यांनी त्यांच्या ट्विटरवरून राज्यातील संबंधित मंत्री तसेच व्यवस्थेतील लोकांना मागणी केली आहे. त्याबाबत रोहित पवार यांना केलेल्या ट्विटवर रोहित पवार यांनी उत्तर दिले आहे.
आम्ही सर्व शिक्षक विना वेतन काम करण्यास तयार आहोत. पण तुम्ही शिक्षक भरती कधी सुरु करणार आहात? असे प्रश्न रुहीनाझ यांनी सातत्याने ट्विटरवरून पाठपुरावा केला आहे. या संदर्भात रोहित पवार यांनी यासंदर्भात पाठपुरावा करू असे म्हंटले आहे. रुहीनाझ यांनी ‘दादा, आपण नेहमीच युवा पिढीचे समस्या जाणून घेऊन ते नक्कीच सोडवतात, आम्ही गेल्या तीन महिन्यांपासून दररोज ट्विट, मेल, करत आहोत त्याकडे लक्ष द्या.आम्हाला आपल्याकडून खूप अपेक्षा आहेत,आम्ही विना वेतन काम करू पण सरकारने नोकरी द्या’ असे ट्विट केले होते.
@RRPSpeaks दादा
आपण नेहमीच युवा पिढीचे समस्या जाणून घेऊन ते नक्कीच सोडवतात,
आम्ही गेल्या तीन महिन्यांपासून दररोज ट्विट, मेल, करत आहोत त्याकडे लक्ष द्या.????
आम्हाला आपल्याकडून खूप अपेक्षा आहेत,????
आम्ही विना वेतन काम करू पण सरकारने नोकरी द्यावी. @VarshaEGaikwad@MahebubShaikh20— Ruhinaaz (@Ruhinaa42620604) June 8, 2020
या ट्विट ला उत्तर देत रोहित पवार यांनी ‘ताई याकडं माझं बारकाईने लक्ष आहे. एक मात्र खरंय, ज्याप्रमाणे तुम्ही मला ट्विट, मेल पाठवून पाठपुरावा केला तसाच मीही सरकार पातळीवर याचा पाठपुरावा करतोय. शेवटी यश हे पाठपुराव्यानेच मिळत असतं. आपल्या प्रयत्नांनाही यश येईल, अशी अपेक्षा आहे.’ त्यांच्या या ट्विट मुळे शिक्षक भरतीच्या तरुणांना दिलासा मिळाला आहे. पवित्र पोर्टल द्वारे सुरु करण्यात आलेली शिक्षक भरती संचारबंदी मुळे स्थगित करण्यात आली होती. त्यासाठी फार वेळ न घेता लवकरात लवकर भरतीप्रक्रिया सुरु करावी अशी मागणी करण्यात येत आहे.
ताई याकडं माझं बारकाईने लक्ष आहे.
एक मात्र खरंय.. ज्याप्रमाणे तुम्ही मला ट्विट, मेल पाठवून पाठपुरावा केला तसाच मीही सरकार पातळीवर याचा पाठपुरावा करतोय. शेवटी यश हे पाठपुराव्यानेच मिळत असतं. आपल्या प्रयत्नांनाही यश येईल, अशी अपेक्षा आहे. https://t.co/XA2WYyu7vv— Rohit Pawar (@RRPSpeaks) June 9, 2020
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.