हॅलो महाराष्ट्र ऑनलाईन । शिवसेना नेते गुलाबराव पाटील यांनी नगर जिल्ह्यातील एका कार्यक्रमात राष्ट्रवादी काँग्रेसचे नेते एकनाथ शिंदे यांच्यावर टीका केली होती. पाटलांच्या टीकेला खडसेंनीही तशाच पथदतीने उत्तर दिले आहे. मला अशा निर्व्यसनी माणसाबद्दल न बोललेले बरे , चोरोको सारे नजर आते है चोर अशा शब्दात एकनाथ खडसे यांनी पाटील यांच्या वक्तव्याचा समाचार घेतला आहे.
एकनाथ खडसेंनी आज माध्यमांशी संवाद साधला. यावेळी ते म्हणाले की, माझ्याबद्दल नेहमी टीका केली जाते. नुकतीच मंत्री गुलाबराव पाटील यांनी माझ्यावर टीका केली आहे. गुलाबराव पाटील यांच्या सारखा उच्चशिक्षित निर्व्यसनी कार्यतत्पर असलेले मंत्री महोदय हे एकनाथ खडसे हे डाकू असल्याचे म्हणतात. मला अशा निर्व्यसनी माणसाबद्दल न बोललेले बरे , चोरोको सारे नजर आते है चोर, असे खडसेंनी म्हंटले आहे.
काय केली होती गुलाबराव पाटील यांनी टीका?
शिवसेना नेते तथा मंत्री गुलाबराव पाटील यांनी नशिराबाद येथे एका कार्यक्रमात एकनाथ खडसेंवर सडकून टीका केली आहे. काही लोक माझ्याविषयी नशिराबाद येथे बोलून गेले मात्र ते लपून लढाई करतात. कडाला कड लावून बोलवं, चारीमुंड्या चीत करूनचं हा पाटील नावाचा नाही निघाला तर गुलाबराव नाव लावणार नाही. शिवाजी महाराजांच्या सैन्यात ही गद्दारांना जागा नव्हती अशी प्रतिक्रिया देत थेट एकनाथ खडसे यांच्यावर गुलाबराव पाटील यांनी निशाणा साधला.