हॅलो महाराष्ट्र ऑनलाईन । जगात कोरोना चीनमुळे पसरला म्हणून चर्चा आहेतच. तसेच अनेकदाय ना त्या कारणाने चीन चर्चेत असतेच. आता चीनमधील स्त्री पुरुष संख्येच्या असमान प्रमाणामुळे चीन पुन्हा चर्चेत आले आहे. येथील पुरुषांची संख्या वाढत असून महिलांचे प्रमाण दिवसेंदिवस कमी होत असल्याचे समोर आले आहे. त्यामुळे चीनमध्ये बरेच पुरुष अविवाहित आहेत. त्यामुळे आता चीनमध्ये महिलांना एकापेक्षा अधिक विवाह करण्याची परवानगी द्यावी अशी मागणी करण्यात येते आहे.
अर्थशास्त्रज्ञ कांग एनजी यांनी हा सल्ला दिला आहे. सध्या चीनमध्ये मोठ्या प्रमाणात लैंगिक असमानता दिसून येते आहे. पुढच्या तीसवर्षात अशीच परिस्थिती राहिली तर चीनमधील साधारण ३ कोटी पुरुष अविवाहित राहतील असे एका अहवालात सांगण्यात आले आहे. म्हणूनच काही काळ चीनमधील महिलांना एकापेक्षा अधिक नवरे करण्याची परवानगी देण्यात यावी अशी मागणी होत आहे.
फुदान विद्यापीठात प्राध्यापक असणारे कांग यांच्या म्हणण्यानुसार सध्याच्या परिस्थितीत देशातील पुरुषांमध्ये मोठ्या प्रमाणात स्पर्धा होईल. यामध्ये वयाचे काही बंधन नसेल. आणि या स्पर्धेची तीव्रता वाढून अनेक पुरुषांना अविवाहित तथा एकटे राहावे लागेल. त्यामुळे येथील स्त्रियांना एकापेक्षा अधिक लग्न करण्याची परवानगी देण्याची मागणी त्यांनी केली आहे. अविवाहित पुरुषांच्या मनःस्वास्थ्याचा विचार करता याला कायदेशीर मान्यता द्यावी असे त्यांनी सांगितले. एखाद्याला पत्नी नसण्यापेक्षा एक सामायिक पत्नी हा उपाय त्यांनी सुचविला आहे. सोबत वेश्या व्यवसाय कायदेशीर करावा अशी मागणीही त्यांनी केली आहे. सध्या तिबेटमध्ये महिलांना एकापेक्षा अधिक लग्न करण्यास मान्यता आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.