नवी दिल्ली । सोने खरेदी करणाऱ्यांसाठी आजचा दिवस चांगला आहे. भारतीय सराफा बाजारात सोन्याच्या किंमतीत दोन दिवस वाढ झाल्यानंतर आज ती पुन्हा खाली आली आहे. आपणही लग्नासाठी सोनं विकत घेण्याचा विचार करत असाल तर ही चांगली संधी आहे. मल्टी कमोडिटी एक्सचेंजमध्ये (Multi commodity exchange) आज सकाळी सोन्याच्या किंमती पुन्हा खाली आल्या आहेत. याशिवाय आज चांदीचा दरही स्वस्त झाला आहे. एमसीएक्सवरील सोन्याचा वायदा दर प्रति 10 ग्रॅम 0.1% ने घसरला आणि 46,793 वर आला, तर चांदी 0.4% खाली घसरून 67,240 वर गेली. मागील दोन सत्रांमध्ये सोन्याने प्रति 10 ग्रॅममध्ये 1000 पेक्षा जास्त कमाई केली होती.
ऑगस्ट 2020 मध्ये सोन्याचे दर प्रति 10 ग्रॅम 56,200 रुपयांच्या विक्रमी उच्चांकावर पोहोचले. जर पाहिले तर सोन्याच्या किंमती विक्रमी पातळीपासून आतापर्यंत 10,000 रुपयांनी घसरल्या आहेत. गुरुवारी दिल्ली सराफा बाजारात सोन्याच्या भावात गुरुवारी प्रति 10 ग्रॅम 182 रुपयांची किंचित वाढ नोंदविण्यात आली.
राजधानी दिल्लीत सोन्याची किंमत काय आहे ते पाहूयात
>> 22 कॅरेट सोन्याची किंमत 45160 रुपये
>> 24 कॅरेट सोन्याची किंमत 49260 रुपये आहे
>> चांदीची किंमत 67500 रुपये
आंतरराष्ट्रीय बाजारात सोन्याची स्थिती
शुक्रवारी अमेरिकेतील स्पॉट गोल्ड ट्रेडिंग प्रति औंस 1,755.91डॉलर राहिला. त्याचबरोबर अन्य मौल्यवान धातूंमध्ये चांदीचे दर 25.45 डॉलर, तर प्लॅटिनम 0.3% घसरून 1,225.95 डॉलरवर बंद झाले.
अशा प्रकारे आपण सोन्याची शुद्धता तपासू शकता
जर तुम्हाला आता सोन्याची शुद्धता तपासून पाहायची असेल तर यासाठी सरकारकडून एक अ‍ॅप तयार करण्यात आले आहे. ”BIS Care app” सह ग्राहक (Consumer) सोन्याची शुद्धता (Purity) तपासू शकतो. या अ‍ॅपद्वारे (App) आपण केवळ सोन्याचे शुद्धताच तपासू शकत नाही तर त्यासंबंधात कोणतीही तक्रार देखील करू शकता.
या अ‍ॅपमध्ये वस्तूंचा लायसन्स, रजिस्ट्रेशन आणि हॉलमार्क क्रमांक चुकीचा आढळल्यास ग्राहक त्वरित तक्रार करू शकतात. या अ‍ॅप (Gold) च्या माध्यमातून ग्राहकांना त्वरित तक्रार नोंदविण्याची माहितीही मिळेल.
सोन्याची किंमत का वाढत आहे?
एचडीएफसी सिक्युरिटीजचे वरिष्ठ विश्लेषक (कमोडिटीज) तपन पटेल यांच्या म्हणण्यानुसार डॉलरच्या तुलनेत रुपयाच्या घसरणीमुळे भारतीय बाजारपेठेत सोन्याच्या किंमतीत वाढ झाली आहे. त्याच वेळी, कोरोना विषाणूच्या नवीन प्रकरणांमध्ये वाढ झाल्यामुळे लोक पुन्हा सुरक्षित गुंतवणूकीच्या पर्यायाकडे वळले आहेत. सोन्याचे दर याला आधार देत आहेत.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा