नवी दिल्ली । मागील व्यापार सत्रात जोरदार वाढ झाल्यानंतर सोन्याच्या चांदीच्या किंमती आज भारतीय बाजारात कमी झाल्या. शुक्रवारी, 16 एप्रिलला मल्टी कमोडिटी एक्सचेंज (MCX) वर सोन्याची किंमत 55 रुपयांनी घसरून 47,120 रुपये प्रति 10 ग्रॅम झाली. गेल्या व्यापार सत्रात सोन्याचा दर 1.2 टक्क्यांच्या वाढीसह बंद झाला होता. तर चांदीची किंमत आज (Silver Price Today) 0.26% ने कमी होऊन 68,361 प्रती किलो झाली आहे. गेल्या व्यापार सत्रात चांदीची किंमत 1.2% टक्क्यांनी वाढली होती.
स्पॉट मार्केटमध्ये सोने आणि चांदीचा भाव
सराफा बाजारात सोन्याच्या किंमतीत 159 रुपयांची वाढ झाली आणि ती प्रति 10 ग्रॅम 46301 रुपयांच्या पातळीवर बंद झाली. चांदीचा दर 206 रुपयांनी वाढला आहे आणि दिल्ली सराफा बाजारात त्याचे दर 67168 रुपये प्रति किलो होते.
सोन्याच्या किंमती उच्च पातळीवरुन सुमारे 9200 रुपयांनी स्वस्त झाल्या आहेत
मागील वर्षी, कोरोनाच्या संकटामुळे लोकांनी सोन्यात मोठ्या प्रमाणात गुंतवणूक केली होती, ऑगस्ट 2020 मध्ये, एमसीएक्सवर प्रति 10 ग्रॅम सोन्याची किंमत 56191 रुपयांच्या सर्वोच्च पातळीवर पोहोचली. मागील वर्षी सोन्याने 43% परतावा दिला. उच्च पातळीच्या तुलनेत सोन्याचे दर 25 टक्क्यांपर्यंत घसरले आहेत, सोन्याचे दर प्रति 10 ग्रॅम 4700 रुपयांच्या पातळीवर एमसीएक्सवर ट्रेड होत आहे, जे अजूनही 9200 रुपयांनी स्वस्त होत आहे. त्याचबरोबर चांदीची सर्वोच्च पातळी प्रति किलो 79,980 रुपये आहे. यानुसार चांदी देखील उच्च पातळीपेक्षा 11580 रुपयांनी स्वस्त झाली आहे.
अशा प्रकारे आपण सोन्याची शुद्धता तपासू शकता
जर तुम्हाला आता सोन्याची शुद्धता तपासून पाहायची असेल तर यासाठी सरकारकडून एक अ‍ॅप तयार करण्यात आले आहे. ‘BIS Care app’ सह ग्राहक (Consumer) सोन्याची शुद्धता (Gold Purity) तपासू शकतो. या अ‍ॅपद्वारे आपण केवळ सोन्याचे शुद्धताच तपासू शकत नाही तर त्यासंबंधात कोणतीही तक्रार देखील करू शकता.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा