नवी दिल्ली । ज्येष्ठ नागरिकांसाठी (Senior citizens) दिलासा देणारी बातमी येत आहेत. आता त्यांना दीर्घ कालावधीसाठीच्या फिक्स्ड डिपाॅझिट (FD) योजनांचा लाभ मिळू शकेल. खरं तर, स्टेट बँक ऑफ इंडियाने (SBI) एचडीएफसी बँक आणि बँक ऑफ बडोदाने (BoB) ऑफर केलेल्या ज्येष्ठ नागरिकांसाठी विशेष फिक्स्ड डिपॉझिट (FD) योजना 30 सप्टेंबर 2021 पर्यंत वाढविली आहेत. या महिन्यात त्याची अंतिम मुदत संपुष्टात येणार होती.
स्पेशल FD योजना सुरू केल्या
मे 2020 मध्ये कोविड 19 महामारी आणि कमी होणाऱ्या व्याज दराच्या दरम्यान State Bank of india, HDFC, ICICI Bank आणि Bank of Baroda यासारख्या काही बँकांनी ज्येष्ठ नागरिकांसाठी 5 वर्ष किंवा त्यापेक्षा जास्त कालावधीसाठीची स्पेशल FD योजना आणली होती. ही मुदत 30 सप्टेंबर 2020 पर्यंत वाढविण्यात आली, त्यानंतर ती 31 डिसेंबर पर्यंत वाढविण्यात आली, त्यानंतर 31 मार्च पर्यंत, नंतर 30 जून पर्यंत वाढविण्यात आली, म्हणून ही तारीख आणखी वाढविली जाण्याची काहीशी आशा नाही.
SBI स्पेशल FD योजना
SBI च्या या स्पेशल FD चे नाव SBI Wecare आहे. SBI च्या या योजनेत ज्येष्ठ नागरिकांना 80 बेसिस पॉइंट्सपर्यंत अधिक व्याज मिळते. या योजनेत ज्येष्ठ नागरिकांना 5 वर्ष ते 10 वर्षाच्या FD वर 6.20% व्याज मिळणार आहे. हे व्याज दोन कोटींपेक्षा कमी ठेवींवर लागू आहे. सध्या SBI सर्वसामान्यांसाठी पाच वर्षांच्या FD वर 5.4 टक्के व्याज देते. जर एखाद्या ज्येष्ठ नागरिकाने स्पेशल FD योजनेत फिक्स्ड डिपॉझिट केली असेल तर FD वर लागू असणारा व्याज दर 6.20 टक्के असेल. हे दर 8 जानेवारी 2021 पासून लागू आहेत.
HDFC बँक स्पेशल FD योजना
HDFC बँक ज्येष्ठ नागरिकांना HDFC Senior Citizen Care FD योजनेअंतर्गत FD वर 75 बेसिस पॉइंट्सची ऑफर देत आहे. म्हणजेच, HDFC Senior Citizen Care FD योजनेत 5 वर्षांच्या मुदतीमध्ये ज्येष्ठ नागरिकांना सामान्य लोकांपेक्षा 0.75% अधिक व्याज मिळते. या योजनेंतर्गत FD धारकांना 6.25% व्याज मिळणार असून हे दर 21 मे 2021 पासून लागू आहेत.
Bank of Baroda स्पेशल FD योजना
BoB 100 बेसिस पॉइंट्स देत आहे – म्हणजे ज्येष्ठ नागरिकांना त्याच्या विशेष ज्येष्ठ नागरिक FD योजनेंतर्गत 1% अधिक व्याज. बँक ज्येष्ठ नागरिकांना 5 वर्ष ते 10 वर्षाच्या FD वर वर्षाकाठी 6.25% दराने व्याज देत आहे.
ICICI Bank स्पेशल FD योजना
ICICI Bank ज्येष्ठ नागरिकांसाठी ICICI Bank Golden Years योजना चालवते. याअंतर्गत, ज्येष्ठ ज्यांची FD आहे त्यांना सामान्य ग्राहकांपेक्षा 80 बेस पॉईंट अधिक व्याज दिले जाते. या योजनेअंतर्गत ज्येष्ठ नागरिकांना FD करण्यावर 6.30% व्याज मिळत आहे.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा