IBM ने दिला इशारा, कोरोना व्हायरस लस विषयी महत्वाची माहिती गोळा करत आहेत हॅकर्स

ताज्या मराठी बातम्यांसाठी आमचा ग्रुप जॉईन करा
WhatsApp Group Join Now
Google News Join Now

नवी दिल्ली । IBM या टेक्नोलॉजीच्या क्षेत्रातील दिग्गज कंपनीने कोव्हीड -१९ च्या लसीवर (COVID-19 Vaccine) हॅकर्सनी कडक नजर ठेवण्यास सुरुवात केल्याबाबत सतर्क केले आहे. कोविड -१९ लसीचे वितरण करणार्‍या कंपन्यांवर या हॅकर्सची नजर आहे. आयबीएमला असे संकेत मिळाले आहेत की, आता जगभरातील लोकांमध्ये कोरोना विषाणूची लस पोहचवण्याकडे हॅकर्सचे लक्ष केंद्रित केले गेले आहे. आयबीएमने गुरुवारी ब्लॉग पोस्टमध्ये याबाबत शंका व्यक्त केली आहे. आयबीएमने म्हटले आहे की कोविड -१९ लस संबंधित कंपन्या आणि संस्थांवर लक्ष केंद्रित करणाऱ्या ‘ग्लोबल फिशिंग मोहिमे’बद्दल त्यांना माहिती मिळाली आहे. यूएस सायबरसिक्योरिटी अ‍ॅण्ड इन्फ्रास्ट्रक्चर सिक्युरिटी एजन्सीनेही हा रिपोर्ट रिपोस्ट केला आहे.

हे हॅकर्स लस वितरणासाठी वापरल्या जाणार्‍या ‘कोल्ड चेन’ वर लक्ष ठेवून आहेत. Pfizer Inc आणि BioNTech तयार करत असलेल्या लसीच्या वितरणासाठी कोल्ड चेनशी संबंधित मूलभूत माहिती जाणून घेणे महत्वाचे आहे. ही लस -70 डिग्री सेल्सियस किंवा त्यापेक्षा कमी तापमानात ठेवली जाते जेणेकरून ती खराब होणार नाही.

चिनी कोल्ड चेन कंपनीवर नजर
आयबीएमच्या सायबरसिक्योरिटी युनिटचे म्हणणे आहे की, या कोल्ड चेनच्या (Cold Chain) विविध पैलूंबद्दल माहिती गोळा करण्यासाठी एकत्रितपणे कार्यरत असलेल्या हॅकर्सच्या ऍडव्हान्स ग्रुप बद्दल त्यांना माहिती मिळाली आहे. हे हॅकर्स Haier Biomedical च्या अधिकाऱ्यांना ईमेल पाठवत आहेत. Haier Biomedical ही एक चिनी कंपनी आहे, जी कोल्ड चेन प्रोव्हायडर आहे. तसेच ती लसींचे ट्रांसपोर्ट आणि बायोलॉजिकल सॅम्पलच्या स्टोरेजचे काम करते.

लस वितरण संबंधित ‘ही’ माहिती गोळा करत आहे
आयबीएमचे म्हणणे आहे की, हे हॅकर्स Haier Biomedical द्वारे वापरल्या जाणार्‍या मॉडेल, किंमती आणि इतर बाबींची माहिती गोळा करीत आहेत. कंपनीद्वारे वापरल्या जाणार्‍या रेफ्रिजरेशन युनिटची माहितीही यात समाविष्ट केली आहे. असे मानले जाते की ही मोहीम तयार करणाऱ्या व्यक्तीस लस देण्यासाठी पुरवठा साखळीत कोणत्या वस्तू आवश्यक आहेत याबद्दल विशिष्ट माहिती आहे.

या संस्थेलाही लक्ष्य केले गेले होते
आयबीएमचे म्हणणे आहे की, Haier च्या नावाने हे ईमेल सुमारे 10 वेगवेगळ्या संस्थांना पाठविण्यात आले आहेत. यापैकी एक टार्गेट आयबीएमने ओळखले आहे. ‘द यूरोपियन कमिशंस डायरेक्टोरेट- जनरल फॉर टॅक्सेशन अँड कस्टम्स यूनियन’ असे याचे नाव आहे. ही युरोपियन युनियनमधील (European Union) टॅक्स आणि सीमाशुल्क विषयक संबंधित संस्था आहे. या संस्थेने लस आयातीसाठीही नियम तयार केले आहेत.

या इतर कंपन्यांकडूनही माहिती गोळा करीत आहे
आयबीएमने आपल्या ब्लॉग पोस्टमध्ये म्हटले आहे की, या हॅकर्सच्या इतर लक्ष्यांमध्ये सौर पॅनेल तयार करणार्‍या कंपन्यांचाही समावेश आहे. या उत्पादकांच्या मदतीने लस रेफ्रिजरेटर्स पॉवर देण्यास तयार आहेत. याशिवाय हे हॅकर्स ड्राय आईस बनवणाऱ्या पेट्रोकेमिकल प्रोडक्ट्सही माहिती गोळा करीत आहेत.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.

 

Leave a Comment