मुंबई । बॉलिवूड अभिनेता सुशांतसिंग राजपूत याच्या निधनाच्या घटनेनंतर बॉलिवूडमध्ये घराणेशाही आणि एखाद्याचे खच्चीकरण या विषयावरून चर्चाना उधाण आले आहे. सुशांतसिंग ने आत्महत्या केली असल्याचे प्रथमदर्शनी दिसून येते आहे. तो नैराश्यात होता, त्याला मिळालेले काही सिनेमे अचानक त्याच्याकडून काढून घेण्यात आले होते. त्याला जाणीवपूर्वक या क्षेत्रातून बाहेर काढण्यासाठीचे प्रयत्न सुरु होते अशा अनेक चर्चा सुरु आहेत. अभिनेत्री कंगना रनौत हिने या निमित्ताने पुन्हा एकदा प्रश्न विचारण्यास सुरुवात केली आहे. आपल्या ट्विटर अकॉउंटवरून तिने कुणी सुशांतसिंह राजपूत ला पार्टीला आमंत्रण दिले होते का? असा प्रश्न विचारला आहे.
‘सलमान खान हे खूप मोठे स्टार आहेत आणि त्यांच्याकडून त्यांच्या वाढदिवसाचे आमंत्रण येणे म्हणजे तो व्यक्ती त्यांच्या खूप जवळचा आहे असेच होय, सुशांत सिंह ला ते आमंत्रण आले होते? सलमान चा अपवाद वगळता इतर कोणत्या स्टार ने सुशांतसिंह राजपूत ला वाढदिवस अथवा इतर कोणत्या पार्टीला बोलावले होते?’ असे ट्विट तिने केले आहे. तिने सुशांतला कमकुवत मनाचा म्हणणाऱ्या लोकांसाठी एक व्हिडीओ केला होता. ज्यामध्ये त्याने आत्महत्या केली नसून त्याची हत्या करण्यात आली आहे असेही ती म्हणाली होती. आता पुन्हा या ट्विटने तिने बॉलिवूडमधील तथाकथित स्टारवर निशाणा साधला आहे.
https://twitter.com/RanawatKangana/status/1273503476748742656
रविवारी सुशांतसिंग राजपूत याचा मृतदेह त्याच्या राहत्या घरी सापडला होता. त्याच्या जाण्याने त्याच्या चाहत्यांना धक्का बसला आहे. सोशलमिडीयावर सध्या त्याच्या सिनेमातील काही दृश्ये तसेच त्याचे इतर व्हिडीओ व्हायरल होत आहेत. याबरोबरच आलिया भट, करण जोहर, सोनम कपूर, शाहरुख खान, शाहिद कपूर यांनी सुशांतसिंग राजपूतला कसे दुर्लक्षित केले होते याचेही काही व्हिडीओ व्हायरल होत आहेत. प्राथमिक तपासात ही आत्महत्या असल्याचे समोर आले आहे. पुढील काही दिवसात पोस्ट मॉर्टमचे तपशीलवार अहवाल आल्यानंतर नेमकी स्पष्टता येणार आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News.”