हॅलो महाराष्ट्र ऑनलाईन । सोन्याच्या किंमतींमध्ये मोठी घसरण झाली आहे. अमेरिकन डॉलरच्या तुलनेत भारतीय रुपयाच्या मजबुतीमुळे बुधवारी देशांतर्गत बाजारात सोन्याच्या किंमती खाली आल्या. दिल्ली सराफा बाजारात सोने प्रति 10 ग्रॅम 694 रुपयांनी स्वस्त झाले आहे. त्याचबरोबर, एक किलो चांदीच्या किंमतीत 126 रुपयांची वाढ झाली आहे. आंतरराष्ट्रीय स्तरावर सोन्याच्या किंमतींवर मोठा दबाव असल्याचे तज्ज्ञांचे म्हणणे आहे. तर येत्या काही दिवसांत सोन्याची किंमत प्रति 10 ग्रॅम 50,000 रुपयांच्या खाली जाऊ शकते. अमेरिकेचे अध्यक्ष डोनाल्ड ट्रम्प यांनी उत्तेजना पॅकेजेसववरील डेमोक्रॅट्स बरोबरीला चर्चा पुढे ढकलल्यानंतर भारतातील सोन्याच्या किंमती दुसर्‍या दिवशी खाली आल्या. बुधवारी सुरुवातीच्या व्यापारात, एमसीएक्सवरील सोन्याचे वायदा प्रति 10 ग्रॅम 470 रुपयांनी किंवा 0.9% खाली घसरले 50,088 रुपयांवर आले.
सोन्याचे नवीन दर
एचडीएफसी सिक्युरिटीजच्या म्हणण्यानुसार दिल्लीतील 99 99 टक्के शुद्धतेच्या सोन्याची किंमत 694 रुपयांनी घसरून 51,215 रुपये प्रति 10 ग्रॅम झाली आहे. मंगळवारी शेवटच्या सत्रात व्यापार संपल्यानंतर सोन्याचा दर प्रति 10 ग्रॅम 51,909 रुपयांवर बंद झाला. आंतरराष्ट्रीय बाजारात सोन्याचा भाव प्रति औंस 1890 डॉलरवर बंद झाला.
चांदीचे नवीन दर
सोन्यापेक्षा चांदीच्या किंमतींमध्येही वाढ दिसून आली आहे. बुधवारी एक किलो चांदीचे दर 126 रुपयांनी वाढून, 63,4२27 रुपये प्रति किलो झाला आहे. त्याचबरोबर मंगळवारी चांदीचा एक दिवस आधी मंगळवारी 63,427 रुपये प्रतिकिलोवर बंद झाला.
तज्ञांचे असे म्हणणे आहे की, सोन्याची किंमत त्याच्या विक्रमी पातळीवरून घसरून 50,000 रुपयांवर गेली आहे. तर येत्या काही दिवसात, ते स्थिर राहू शकते. दिवाळीपर्यंत सोन्याच्या किंमतीत मोठी वाढ किंवा घसरण होण्याची शक्यता नाही. दिवाळीतही सोने प्रति 10 ग्रॅम 50000-52000 च्या श्रेणीत राहू शकते.
ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला WhatsApp करा आणि लिहा “Hello News”.