हॅलो महाराष्ट्र ऑनलाइन | पश्चिम बंगालच्या मुख्यमंत्री ममता बॅनर्जी सध्या दिल्ली दौऱ्यावर असून त्यांनी पुन्हा एकदा केंद्रातील मोदी सरकारवर टीका केली आहे. 2024 मध्ये मोदी विरुद्ध संपूर्ण देश अशीच लढाई असेल अस वक्तव्य त्यांनी केलं.
2024 च्या निवडणुकीमध्ये तुम्ही पंतप्रधानपदाचा चेहरा असणार का?, असा सवाल ममता यांना पत्रकारांनी केला. यावर, मी काही राजकीय भविष्यवक्ता नाही. ते तेव्हाच्या स्थितीवर अवलंबून आहे. आता विरोधकांना एकत्र येणं गरजेचं आहे अस म्हणत पुढची निवडणूक मोदी विरुद्ध भारत असेल, असं उत्तर ममता बॅनर्जी यांनी दिलं.
देशातील सर्वच विरोधी पक्षाच्या नेत्यांशी माझे चांगले संबंध आहेत. जर येत्या काळात राजकीय वादळ निर्माण झालं तर त्याला कुणीच थांबवू शकत नाही. खेला होबेचा नाद आता संपूर्ण देशात घुमणार आहे. आतापर्यंत अच्छे दिनची वाट खूप पाहिली आता आम्हाला सच्चे दिन पाहायचे आहेत, असंही त्या म्हणाल्या.