हॅलो महाराष्ट्र ऑनलाईन | राष्ट्रवादी काँग्रेस प्रवक्ते नवाब मलिक यांच्यावर आज सकाळी ईडीच्यावतीने चौकशीसाठी बोलवण्यात आले. या प्रकरणावरून राष्ट्रवादी काँग्रेस प्रदेशाध्यक्ष तथा जलसंपदा मंत्री जयंत पाटील यांनी प्रतिक्रिया दिली आहे. केंद्रीय तपास यंत्रणानाच्या दुरुपयोग सुरु आहे. नवाब मलिक यांना अटक करण्याचे ठरवलेच असेल तर नाईलाज आहे, असे पाटील यांनी म्हंटले आहे.
मंत्री ज्यात पाटील यांनी आज माध्यमांशी संवाद साधला. यावेळी ते म्हणाले की, नवाब मलिक यांच्यावर कारवाई करण्यापूर्वी काही लोकांची चरचाही झाली असणार आहे. उगाच कारवाई करण्यात आलेली नाही. आमचे मंत्री तुरुंगात गेले कि सरकार पडेल, असे मला वाटत नाही. मला खात्री आहे कि चौकशीनंतर ईडी मलिक यांना नक्की घरी सोडेन. जर मलिक यांच्याकडून प्रश्नाची जी उत्तरे दिल्यानंतर त्यांना अटक करण्याचे ठरवले असेल तर आमचा नाईलाज आहे.
दरम्यान, भाजप प्रदेशाध्यक्ष चंद्रकांत पाटील यांनी आज पुणे येथे पत्रकार परिषद घेत महत्वाची माहिती दिली आहे. “ईडीच्या नोटिसीला महाविकास आघाडी सरकारमधील नेत्यांनी घाबरू नये. राज्य सरकावरही टीका करताना चंद्रकांत पाटील म्हणाले की, सध्या जेलमध्ये असलेले अनिल देशमुख यांनी नुकतेच एक विधान केले आहे की, “मला तोंड उघडायला लावू नका. मी जर तोंड उघडले तर…,” असे देशमुख यांनी म्हंटले असल्याचे पाटील यांनी सांगितले आहे.