खळबळजनक!!! राज्यात दिवसभरात 40 हजारांहून अधिक कोरोना पॉझिटिव्ह

हॅलो महाराष्ट्र ऑनलाइन | राज्यात शुक्रवारी कोरोना रुग्णसंख्येने कहर केला असून तब्बल 40 हजारांहून अधिक रुग्णांना कोरोनाची बाधा झाली आहे. राज्यातील आत्तापर्यंतची एका दिवसातील ही सर्वाधिक रुग्णसंख्या असून जनतेमध्ये चिंतेच वातावरण आहे. राज्यात अनेक ठिकाणी निर्बंध लावले असून देखील कोरोना रुग्णसंख्येत वाढ होतच चालली आहे.

महाराष्ट्रात काल दिवसभरात 40,925 नवीन कोरोना रुग्ण सापडले. राज्यात 14,256 बरे झाले असून 20 रुग्णांचा मृत्यू झाला आहे. राज्यात कोरोनाची सक्रिय रुग्णसंख्या 1,41,492 एवढी असून ओमीक्रोन रुग्णसंख्या 876 वर पोहोचली आहे.

मागील  पाच  दिवसातील  रूग्ण संख्या 

6 जानवारी – 36,265  रूग्ण
5 जानेवारी –   26, 538  रूग्ण
4 जानेवारी – 18, 466 रूग्ण
3 जानेवारी – 12, 160 रूग्ण
2 जानेवारी – 11, 877 रूग्ण
1 जानेवारी – 9,170 रूग्ण
31 डिसेंबर – 8067 रूग्ण