कराड प्रतिनिधी । सकलेन मुलाणी
मुख्यमंत्री एकनाथ शिंदे, उपमुख्यमंत्री देवेंद्र फडणवीस व कामगार मंत्री सुरेश खाडे यांना वेळोवेळी माथाडी कामगारांच्या प्रश्नी निवेदने दिली. माथाडी चळवळीत 50 वर्षांचा जुना कायदा हा वेळोवेळी बदलने गरजेचे होते. ते झालेले नाही. माथाडी कामगाराच्या मुलांना माथाडी बोर्डात प्राधान्य देण्यात यावे, आदी मागण्यांसाठी माथाडी कामगार 1 फेब्रुवारी रोजी एक दिवसीय लाक्षणिक संप करणार आहेत, अशी माहिती माथाडी कामगार नेते नरेंद्र पाटील यांनी दिली.
1 फेब्रुवारीला महाराष्ट्र माथाडी कामगारांचा लाक्षणिक संप; माथाडी कामगार नेते नरेंद्र पाटील यांची माहिती pic.twitter.com/GKJgoCVIeE
— santosh gurav (@santosh29590931) January 29, 2023
नरेंद्र पाटील यांनी माध्यमांशी संवाद साधत माथाडी कामगारांच्या संपाबाबत माहिती दिली. ते म्हणाले की, अनेकवेळा सरकारला निवेदने दिली आहेत. नुकतीच मुख्यमंत्री शिंदेंचीही भेट घेतली तसेच त्यांनाही संपाबाबत निवेदन दिले आहे. माथाडी कामगारांचे अधिकारी हे माथाडी मंडळस्वतःच्या बापाची जहागिरी समजत आहेत. त्यांच्याकडून कामगारांना न्याय देण्यात दिरंगाई केली जात आहे.
माथाडी कामगारांच्या महाराष्ट्र शासनाच्या कामगार, गृह, पणन, नगरविकास, महसूल व अन्य विभागांतर्गत प्रलंबित प्रश्नांची सोडवणूक करण्याकडे शासन व संबंधितांचे लक्ष वेधण्यासाठी माथाडी कामगारांचा दि.०१ फेब्रुवारी २०२३ रोजी लाक्षणिक संप पुकारण्यात आला आहे. 1/2 pic.twitter.com/YCHML03MTy
— Narendra Patil (@NarendraMathadi) January 28, 2023
काही ठिकाणी तर माथाडी कामगारांवर खोटे गुन्हे दाखल करण्याचे कामही झाले आहे. अशा अनेक प्रश्नासंदर्भात आम्ही वेळोवेळी माहीत मंत्र्यांना दिलेली आहे. परंतु आजही आम्हाला तारीख पे तारीख मिळत आहे. म्हणून आता आम्ही 1 फेब्रुवारी रोजी संप करण्याचा निर्णय घेतला असल्याचे पाटील यांनी सांगितले.
