हॅलो महाराष्ट्र ऑनलाईन । राष्ट्रवादी काँग्रेसचे आमदार तथा माजी मंत्री धनंजय मुंडे यांच्या गाडीला परळी येथे रात्री 12.30 वाजण्याच्या सुमारास अपघात झाला. यामध्ये मुंडे यांच्या छातीला किरकोळ मार लागला असून त्यांच्यावर खासगी रुग्णालयात उपचार करण्यात आले आहेत.
राष्ट्रवादी काँग्रेसचे नेते धनंजय मुंडे हे काल दिवसभर मतदारसंघातील कार्यक्रम व भेटी आटोपून परळीकडे परतत होते. यावेळी रात्री 12.30 वाजण्याच्या सुमारास
त्यांची गाडी परळी शहरात दाखल झाली. यावेळी त्यांच्या गाडीतील वाहनचालकाचा अचानकपणे वाहनावरील ताबा सुटला. त्यामुळे त्यांच्या गाडीचा अपघात झाला.
https://www.facebook.com/DPMunde/posts/pfbid0kWvWVB5Vkbdg4w9QUV25keqF4UBheeu1rEwd8kg1axX9ui3tv4XWKgsSXhpzbqYhl
यावेळी गाडीमध्ये असलेल्या धनंजय मुंडे यांच्या छातीला किरकोळ मार लागला. त्यांना वैद्यकीय उपचारासाठी तात्काळ खासगी रुग्णालयात नेण्यात आले. यावेळी डॉक्टरांनी त्यांच्यावर उपचार करीत त्यांना विश्रांतीचा सल्ला दिला आहे.