Hardik Pandya : ज्या मैदानावरून स्ट्रेचरवर पडून बाहेर पडला त्याच मैदानावर रचला इतिहास !!!

By

-

Monday, 29 August 2022, 5:25

हॅलो महाराष्ट्र ऑनलाईन । 4 वर्षांपूर्वी ज्या मैदानातून Hardik Pandya ला स्ट्रेचरवरून बाहेर नेण्यात आले त्याच मैदानावर त्याने कारकिर्दीतील अविस्मरणीय खेळी करत भारताला पारंपरिक प्रतिस्पर्धी पाकिस्तानविरुद्ध रोमहर्षक विजय मिळवून दिला. यावेळी त्याने केलेल्या खेळीचा चाहत्यांना कधीच विसर पडू शकणार नाही. कारण त्याच्या या खेळीमुळे 10 महिन्यांपूर्वी टी-20 विश्वचषकात पाकिस्तानकडून झालेल्या पराभवाचा वचपा काढला गेला. आता पाकिस्तानविरुद्धच्या या विजयाने भारताचा आनंद द्विगुणित झाला नाही तर नवलच. पांड्या देखील अगदी अशाच पद्धतीने आपली बॅट आकाशाकडे उंचावत मैदानाबाहेर आला.

पाकिस्तानविरुद्धच्या अष्टपैलू खेळीनंतर Hardik Pandya ला 4 वर्षांपूर्वीच्या घटनेची आठवण झाली. ज्यामुळे त्याच्या गोलंदाजी करण्याबाबत प्रश्नचिन्ह उपस्थित झाले होते. यामुळे त्या घटनेशी संबंधित एक फोटो आणि पाकिस्तानविरुद्ध केलेल्या खेळीशी संबंधित एक फोटो शेअर करत त्याने आपली दुखापत आणि संघातील पुनरागमनाबाबत सांगितले.

Hardik Pandya ने शेअर केलेला फोटो आशिया चषकातील पाकिस्तानविरुद्धच्या दुसऱ्या सामन्याशी संबंधित आहे. पहिला फोटो हा 2018 चा आहे तर दुसरा फोटो 2022 चा आहे. एका फोटो मध्ये त्याला स्ट्रेचरवरून मैदानाबाहेर नेले जाताना दिसत आहे, तर दुसऱ्या फोटो मध्ये तो बॅट वर करताना दिसत आहे. जणू तो सांगतोय की,” आता क्रिकेट जगतावर त्याचेच राज्य असेल.” या फोटोसोबत कॅप्शन देताना त्याने म्हटले की, पुनरागमन हे नेहमीच आघातापेक्षा मोठे असते.

दुखापतीनंतरचे जबरदस्त पुनरागमन

4 वर्षांपूर्वी म्हणजेच 19 सप्टेंबर 2018 रोजी दुबईतच पाकिस्तानविरुद्ध आशिया चषक सामना खेळला गेला होता. त्यामध्ये या अष्टपैलू खेळाडूला पायाच्या वेदनांमुळे स्ट्रेचरवर मैदान सोडावे लागले होते. ज्यानंतर तो जवळजवळ संपलाच असे मानले जात होते. त्याची दुखापत इतकी खोलवर होती की यावेळी त्याला संपूर्ण 5 षटकेही टाकता आलेली नव्हते कि त्याला धड नीट उभेही राहता येत नव्हते. यामुळेचा त्याला स्ट्रेचरमधून बाहेर काढावे लागले होते. आता त्याच मैदानावर Hardik Pandya ने फक्त फलंदाजीच केली नाही तर 4 षटकात 25 धावा देत 3 बळी घेत गोलंदाजीतही चमक दाखविली.

‘4 वर्षांपूर्वी घडलेली ती घटना मला आजही आठवते’ – पंड्या

पाकिस्तानविरुद्धच्या सामन्यामधील विजयी कामगिरीनंतर Hardik Pandya म्हणाला,” मला त्या सर्व गोष्टी आठवत होत्या जेव्हा मला स्ट्रेचरवरून ड्रेसिंग रूममध्ये नेण्यात आले. अशा परिस्थितीतून जाणे आणि आज संधी मिळणे हे आपल्यासाठी एक यश आहे असे वाटते.” यावेळी हार्दिकने आपल्या यशस्वी पुनरागमनाचे श्रेय भारतीय संघाचे माजी फिजिओ आणि सध्या बीसीसीआयचे क्रीडा विज्ञान प्रमुख नितीन पटेल तसेच सध्याचे कंडिशनिंग प्रशिक्षक सोहम देसाई यांना दिले.

‘माझ्या पुनरागमनात या दोन व्यक्तींचा मोठा वाटा’

Hardik Pandya पुढे म्हणाला कि, ”हा प्रवास खूप चांगला झाला आणि मेहनतीचे फळ आम्हाला मिळत आहे. मात्र या काळात ज्यांनी मला तंदुरुस्त करण्यात महत्वाची भूमिका बजावली, त्यांना याचे कधीच श्रेय मिळाले नाही. मला नेहमीच त्या लोकांना श्रेय द्यायचे आहे जे यासाठी पात्र आहेत. मी ज्या प्रकारे पुनरागमन केले त्याचे श्रेय मी नितीन पटेल आणि सोहम देसाई यांना देईन.”

अधिक माहितीसाठी या वेबसाईटला भेट द्या : https://www.icccricketschedule.com/asia-cup-2022-schedule-team-venue-time-table-pdf-point-table-ranking-winning-prediction/

हे पण वाचा :

Business Idea : पोस्ट ऑफिसद्वारे दरमहा चांगले पैसे कमावण्याची संधी !!!

Multibagger Stock : टाटा ग्रुपच्या ‘या’ शेअर्सने 20 वर्षांत गुंतवणूकदारांना मिळवून दिले कोट्यवधी रुपये.!!!

Post Office च्या ‘या’ 3 योजनांमध्ये टॅक्स सवलतींबरोबरच मिळेल FD पेक्षा जास्त रिटर्न !!!

Gold Price Today : सोन्या-चांदीच्या किंमतीमध्ये घसरण, आजचे नवीन भाव पहा

PIB FactCheck : PAN अपडेट केले नाही तर SBI खाते बंद होणार, ‘या’ व्हायरल मेसेजमागील सत्य जाणून घ्या

इंचलकरंजीत क्रिकेटचा सामना संपल्यानंतर मध्यरात्री युवकाचा खून

By

Akshay Patil

-

Monday, 29 August 2022, 4:32

कोल्हापूर | इंचलकरंजी येथे क्रिकेटचा सामना संपल्यानंतर तीन बत्ती चाैकात उभ्या असलेल्या मित्रावर दोन मित्रांनी चाकूसारख्या हत्याराने वार करून खून केल्याची घटना रविवारी मध्यरात्री घडली. राहुल बाबू दियाळू (वय- 22, रा. कामगार चाळ) असे खून झालेल्या युवकाचे नाव आहे. पूर्ववैमनस्यातून खून झाल्याचा पोलिसांचा प्राथमिक अंदाज आहे. पोलिसांनी या प्रकरणी एका रेकॉर्डवरील संशयितांसह दोघांना ताब्यात घेतले आहे.

याबाबत अधिक माहिती अशी की, इंचलकरंजी शहरातील कामगार चाळ परिसरात राहणारा राहुल हा खासगी ठिकाणी साफसफाईचे काम करत होता. मध्यरात्री क्रिकेटचा सामना संपल्यानंतर तो काही मित्रांसोबत तीन बत्ती चौक परिसरात थांबला होता. त्यावेळी त्यांच्यात वाद झाला. त्यातूनच दोघा मित्रांनी त्याच्यावर चाकू सारख्या धारदार शस्त्राने हल्ला केला. यात राहुल गंभीर जखमी झाला. त्याला उपचारासाठी इंदिरा गांधी सामान्य रूग्‍णालयात दाखल करण्यात आले. मात्र उपचारापूर्वीच त्याचा मृत्यू झाला. राहुल याचा दोघा मित्रांशी आठ दिवसांपूर्वी वाद झाला होता. त्याचबरोबर रविवारी सायंकाळी पुन्हा वाद उफाळून आला. या रागातूनच त्याचा खून करण्यात आल्‍याचा पोलिसांचा संशय आहे.

याबाबतची माहिती कळताच शिवाजीनगरचे पोलीस निरीक्षक महादेव वाघमोडे व त्यांच्या पथकाने घटनास्थळी धाव घेतली. रात्री पंचनामा करण्यात आला. सकाळी इंदिरा गांधी सामान्य रूग्‍णालयात शवविच्छेदनाचे काम सुरू होते. याबाबतची माहिती कळताच अप्पर पोलीस अधीक्षक जयश्री गायकवाड पोलीस उपाधीक्षक बाबुराव महामुनी यांनी घटनास्थळी तसेच इंदिरा गांधी सामान्य रूग्‍णालयात भेट देऊन तपासाबाबत सूचना केल्या.

Business Idea : पोस्ट ऑफिसद्वारे दरमहा चांगले पैसे कमावण्याची संधी !!!

By

Akshay Patil

-

Monday, 29 August 2022, 4:21

हॅलो महाराष्ट्र ऑनलाईन । Business Idea : आपल्या सेवा जास्तीजास्त ग्राहकांपर्यंत पोहोचवण्यासाठी भारतीय पोस्ट ऑफिसकडून या वर्षी आणखी 10,000 पोस्ट ऑफिस उघडले जाणार आहेत. ज्यानंतर देशातील एकूण पोस्ट ऑफिसेसची संख्या 1.70 लाख वर जाईल. या माध्यमातून अनेक सरकारी योजनांचा लाभ लोकांना घरबसल्या दिल्या जातील. हे लक्षात घ्या कि, सरकारकडून पोस्ट ऑफिसच्या आधुनिकीकरणासाठी 5,200 कोटी रुपयांचा निधी दिला जाणार आहे. अशा परिस्थितीत पोस्ट ऑफिसच्या विस्ताराचा फायदा घेऊन आपल्याला चांगले पैसे कमावण्याची संधी मिळू शकेल. Business Idea

हे जाणून घ्या कि, पोस्ट ऑफिसकडून अनेक सरकारी योजनांचा लाभ घरोघरी पोहोचवण्याची तयारी केली जात आहे. अशा परिस्थितीत आपल्याकडे पोस्ट ऑफिसची फ्रँचायझी घेऊन चांगला नफा मिळवण्याची संधी चालून आली आहे. चला तर मग आज आपण पोस्ट ऑफिसची फ्रँचायझी विषयी जाणून घेउयात …

फ्रँचायझी कशी मिळेल ???

पोस्ट ऑफिसकडून 2 प्रकारच्या फ्रँचायझीची ऑफर दिली जाते. यातील पहिला म्हणजे आउटलेट आणि दुसरे म्हणजे एजंट फ्रँचायझी. जे एजंट पोस्टल स्टॅम्प आणि स्टेशनरी घरोघरी पोहोचवतात त्यांना एजंट फ्रँचायझी म्हंटले जाते. पोस्ट ऑफिसची फ्रँचायझी घेण्यासाठी आपल्याला 5,000 जमा करावे लागतील. यासाठी पोस्ट ऑफिसच्या वेबसाइटवर जाऊन अर्ज करावा लागेल. तसेच जर आपल्याला फ्रँचायझी देण्याचा निर्णय घेतला गेल्यास आपल्याला पोस्ट ऑफिसमबरोबर एका सामंजस्य करार करावा लागेल. Business Idea

फ्रँचायझी कोणाला घेता येऊ शकेल ???

18 वर्षांपेक्षा जास्त वय असलेल्या कोणत्याही भारतीय नागरिकाला या फ्रँचायझीसाठी अर्ज करता येईल. मात्र यासाठी अर्ज करणाऱ्या व्यक्तीकडे मान्यताप्राप्त शाळेतील 8वी उत्तीर्ण झाल्याचे प्रमाणपत्र असणे गरजेचे आहे. Business Idea

खर्च आणि कमाई किती असेल ???

वर सांगितल्याप्रमाणे पोस्ट ऑफिसची फ्रेंचायझी घेण्यासाठी 5,000 रुपये खर्च करावे लागतील. यानंतर कमिशनद्वारे पैसे मिळतील. कमिशनबाबत बोलायचे झाल्यास, रजिस्टर्ड आर्टिकलच्या बुकिंगवर 3 रुपये, स्पीडपोस्टवर 5 रुपये, 100-200 रुपयांच्या मनी ऑर्डरवर 3.50 रुपये आणि 200 रुपयांच्या वरच्या मनी ऑर्डरवर 5 रुपये कमिशन मिळेल. तसेच जर आपल्याकडून दर महिन्याला स्पीडपोस्ट आणि रजिस्ट्रीची 1,000 पेक्षा जास्त बुकिंग झाली तर 20 टक्के अतिरिक्त कमिशन दिले जाईल. याशिवाय टपाल तिकीट, पोस्टल स्टेशनरी आणि मनी ऑर्डर यांच्या विक्रीवर 5% कमिशन मिळेल. Business Idea

अधिक माहितीसाठी या वेबसाईटला भेट द्या : https://www.indiapost.gov.in/VAS/Pages/Content/Franchise_Scheme.aspx

हे पण वाचा :

Multibagger Stock : टाटा ग्रुपच्या ‘या’ शेअर्सने 20 वर्षांत गुंतवणूकदारांना मिळवून दिले कोट्यवधी रुपये.!!!

Post Office च्या ‘या’ 3 योजनांमध्ये टॅक्स सवलतींबरोबरच मिळेल FD पेक्षा जास्त रिटर्न !!!

Gold Price Today : सोन्या-चांदीच्या किंमतीमध्ये घसरण, आजचे नवीन भाव पहा

PIB FactCheck : PAN अपडेट केले नाही तर SBI खाते बंद होणार, ‘या’ व्हायरल मेसेजमागील सत्य जाणून घ्या

ICICI Bank च्या ग्राहकांना FD वर मिळणार जास्त व्याज, नवीन दर पहा

अच्छे दिन पहायला मिळालेच नाहीत; पवारांनी भाजपच्या आश्वासनांचा पाढाच वाचला

By

Akshay Patil

-

Monday, 29 August 2022, 4:04

हॅलो महाराष्ट्र ऑनलाईन । भाजपकडून लोकांमध्ये संभ्रम निर्माण केला जात आहे. आतापर्यंत त्यांनी दिलेले आश्वासनं पाळली नाहीत आणि लोकांना अच्छे दिन पाहायला मिळालेच नाहीत अशा शब्दात राष्ट्रवादी काँग्रेसचे अध्यक्ष शरद पवार यांनी केंद्र सरकारवर जोरदार टीकास्त्र सोडलं. शरद पवार आज ठाणे जिल्ह्याच्या दौऱ्यावर होते. यावेळी त्यांनी पत्रकार परिषदेत बोलताना भाजपने आत्तापर्यंत दिलेल्या आश्वासनांचा पाढाच वाचत केंद्रावर निशाणा साधला.

शरद पवार म्हणाले, 2014 साली भाजपने अच्छे दिनची घोषणा यांनी केली होती. त्याचं पुढं काही झालं नाही. अच्छे दिन कोणालाही पाहायला मिळाले नाहीत. देशातील सगळ्या ग्रामपंचायतीमध्ये ई प्रणाली सुरु करण्याचे आश्वासनं भाजपने निवडणूकीच्यावेळी दिलं होतं. मात्र त्यांनी ते पाळले नाही. ग्रामपंचायतींना इंटरनेट सुविधा देण्याचं आश्वासन दिल होतं ते आज ही अपूर्ण आहे. देशातील ३० टक्के घरात अजून शौचालय नाही. महिला अत्याचार दिवसेंदिवस वाढत आहेत असं म्हणत पवारांनी भाजपवर हल्लाबोल केला.

प्रत्येक घरात जल अशी घोषणा केंद्र सरकारने केली होती. मात्र, त्याचेही काम अपूर्णच आहे. आता ही योजना 2024 पर्यंत वाढवण्यात आली आहे. 2022 पर्यंत प्रत्येकाला 24 तास वीज पुरवली जाईल असं देखील आश्वासन दिलं होतं. परंतु ते पूर्ण केलेलं नाही. 44 टक्के देशातील लोकांना अजुनही वीज मिळालेली नाही, ही आकडेवारी केंद्राची आहे. त्यामुळे हे स्पष्ट आहे की जी आश्वासनं देण्यात आली ती पाळली गेली नाहीत अशा शब्दात शरद पवारांनी केंद्र सरकारने आत्तापर्यंत जनतेला दिलेल्या आश्वासनांचा पाढाच वाचला.

शिवसेनेचा दसरा मेळावा शिवतीर्थावरच होणार; उद्धव ठाकरेंनी शिंदे गटाला ठणकावले

By

Akshay Patil

-

Monday, 29 August 2022, 3:20

हॅलो महाराष्ट्र ऑनलाईन । शिवसेनेचा दसरा मेळावा शिवतीर्थावरच होणार असं म्हणत उद्धव ठाकरेंनी शिंदे गटाला ठणकावले आहे. विश्व हिंदू परिषदेचे नेते उद्धव कदम यांनी आज शिवसेना पक्षप्रमुख उद्धव ठाकरे यांच्या उपस्थितीत शिवसेनेत प्रवेश केला. यावेळी पत्रकार परिषदते बोलताना, उद्धव ठाकरे यांनी शिंदे गट आणि भाजपवर जोरदार टीका केली.

शिवसेनेनं २२ ऑगस्टला मुंबई महापालिकेकडे दसरा मेळाव्यासाठी अर्ज केला होता, परंतु शिवसेनेला अद्याप परवानगी मिळालेली नाही. त्यामुळं शिंदे गटही दसरा मेळावा घेण्यासाठी प्रयत्न करत असल्याचं बोललं जात आहे. याच पार्श्वभूमीवर उद्धव ठाकरेंना विचारलं असता दसरा मेळावा हा आमचा म्हणजेच शिवसेनेचाच होणार, कोणी कितीही संभ्रम निर्माण करायचा प्रयत्न करत असेल तर करुद्या. शिवसैनिकांनी महाराष्ट्राच्या कानाकोपऱ्यातून दसरा मेळाव्यासाठी येण्याची तयारी सुरु केली आहे महापालिकेचा तांत्रिक मांत्रिक भाग काय असेल तो असेल. पण शिवसेनेचा दसरा मेळावा शिवतीर्थावरच होणार असं म्हणत उद्धव ठाकरेंनी शिंदे गटाला ठणकावले आहे.

दरम्यान, उद्धव कदम यांच्या शिवसेना प्रवेशावरून उद्धव ठाकरेंनी भाजपवर निशाणा साधला. साधारणत: सत्ताधारी पक्षाकडे प्रवेशासाठी रांग लागते. पण पहिल्यांदाच महाराष्ट्रात वेगळं चित्र दिसत आहेत. कारण गद्दारीनंतर महाराष्ट्राची माती ही मर्दांना जन्म देते, गद्दारांना नाही, याची प्रचिती दाखवणारी मंडळी शिवसेनेत येत आहेत या गोष्टीचा मला अभिमान आहे असेही उद्धव ठाकरे म्हणाले.

Multibagger Stock : टाटा ग्रुपच्या ‘या’ शेअर्सने 20 वर्षांत गुंतवणूकदारांना मिळवून दिले कोट्यवधी रुपये.!!!

By

Akshay Patil

-

Monday, 29 August 2022, 3:19

हॅलो महाराष्ट्र ऑनलाईन । Multibagger Stock : शेअर मार्केटमध्ये जो गुंतवणूकदार संयम बाळगतो त्याला त्याचे फळ मिळतेच. शेअर मार्केटमध्ये शेअर्सच्या रोजच्या खरेदी-विक्रीतून नाही तर वाट पाहण्याने जास्त कमाई होते. टाटा ग्रुपच्या एका शेअर्स असलेल्या टायटनने हे पुन्हा एकदा सिद्ध केले आहे. 20 वर्षांपूर्वी फक्त 3 रुपये किंमत असणारा हा शेअर आज 2,535 रुपयांवर आला आहे. इतक्या दीर्घ कालावधीत याने 845 पट वाढ केली आहे. जर एखाद्या गुंतवणूकदाराने 20 वर्षांपूर्वी याध्ये एक लाख रुपये गुंतवले असते तर तो आज अब्जाधीश झाला असता.

हे लक्षात दिवंगत दिग्गज गुंतवणूकदार राकेश झुनझुनवाला यांचाही टायटन आवडता स्टॉक होता. त्यांनी आपल्या पोर्टफोलिओमध्ये बराच काळ हा स्टॉक ठेवला होता. अलिकडच्या काही वर्षांत भारतीय शेअर बाजारातील मल्टीबॅगर स्टॉकपैकी टायटनचा स्टॉक आहे. गेल्या एका महिन्यात हे शेअर्स 7.65 टक्क्यांनी वाढले. तर गेल्या पाच ट्रेडिंग सत्रांत यामध्ये 4.32 टक्क्यांनी वाढ झाली आहे. Multibagger Stock

हे लक्षात घ्या कि, दीर्घकाळासाठी गुंतवणूक करणाऱ्यांना या शेअर्सच्या किंमतीत वाढ झाल्याचा भरपूर फायदा झाला. मात्र या काळात कंपनीने गुंतवणूकदारांना बोनस शेअर्स देखील दिले. त्यामुळे गुंतवणूकदारांना डबल फायदा झाला. यामुळे गुंतवणूकदारांच्या शेअर्सची संख्या वाढली. जून 2011 मध्ये, कंपनीने 1:1 च्या प्रमाणात बोनस शेअर्स देण्याची घोषणा केली होती. 2002 मध्ये बोनस शेअर्समधून शेअर्स खरेदी करणाऱ्या गुंतवणूकदारांची किंमत 50 टक्क्यांनी कमी झाली. Multibagger Stock

हे लक्षात घ्या कि, जून 2011 मध्ये, कंपनीकडून 10:1 स्टॉक स्प्लिट देण्याची घोषणा करण्यात आली. यामुळे ऑगस्ट 2002 मध्ये टायटनचे शेअर्स विकत घेतलेल्या गुंतवणूकदारांची इनपुट कॉस्ट 10 टक्क्यांनी कमी झाली कारण स्टॉक स्प्लिटने त्याच्या शेअर्सची संख्या वाढवली. स्टॉक स्प्लिट आणि बोनस शेअर्सचा परिणाम असा झाला की, ज्या गुंतवणूकदाराने शेअर 3 रुपयांना विकत घेतला त्याची खरी किंमत गुंतवणूकदारासाठी 0.15 रुपयांपर्यंत खाली आली. 20 वर्षांपूर्वी या शेअर्समध्ये गुंतवणूक केलेल्या गुंतवणूकदारांना अशा प्रकारे 16,900 टक्के रिटर्न मिळाला, कारण त्यांच्यासाठी हा शेअर 0.15 पैशांनी वाढून 2,535 रुपयांवर पोहोचला आहे. Multibagger Stock

ज्या गुंतवणूकदाराने 20 वर्षांपूर्वी यामध्ये 1 लाख रुपये गुंतवले असतील आणि आपली गुंतवणूक कायम ठेवली असेल आज तो अब्जाधीश झाला असेल. कारण जर आता त्याने टायटनचे शेअर्स विकले तर त्या याद्वारे 169 कोटी रुपये मिळतील. त्याचप्रमाणे ज्या गुंतवणूकदाराने 5 वर्षांपूर्वी या मध्ये 1 लाख रुपये गुंतवले होते, आज त्यांची गुंतवणूक 413,202 रुपये झाली असेल. Multibagger Stock

अधिक माहितीसाठी या वेबसाईटला भेट द्या : https://www.titan.co.in/

हे पण वाचा :

Post Office च्या ‘या’ 3 योजनांमध्ये टॅक्स सवलतींबरोबरच मिळेल FD पेक्षा जास्त रिटर्न !!!

Gold Price Today : सोन्या-चांदीच्या किंमतीमध्ये घसरण, आजचे नवीन भाव पहा

PIB FactCheck : PAN अपडेट केले नाही तर SBI खाते बंद होणार, ‘या’ व्हायरल मेसेजमागील सत्य जाणून घ्या

Bajaj Finance च्या FD वरील व्याजदरात वाढ, नवीन दर पहा

Multibagger Stocks : ‘या’ 5 कंपन्यांच्या गुंतवणूकदारांना पुढील महिन्यात मिळणार बोनस शेअर्स !!!

साताऱ्यात तब्बल 1 हजार ब्रिटिशकालीन रायफलच्या गोळ्या सापडल्या

By

Akshay Patil

-

Monday, 29 August 2022, 3:05

सातारा प्रतिनिधी | शुभम बोडके

सातारा नगरपालिकेच्या नूतन इमारतीचा पाया जेसीबीच्या सहाय्याने खोदताना तब्बल एक हजार ब्रिटिशकालीन रायफलच्या गोळ्या, दस्ता, मॅगझिनचा मोठा साठा आढळला आहे. घटनास्थळी पोलिसांनी धाव घेत सर्व साठा ताब्यात घेतला.

https://www.facebook.com/hellomaharashtra.in/videos/1210120939829875

साताऱ्यात सापडलेला हा साठा लवकरच छत्रपती शिवाजी महाराज संग्रहालयाकडे हस्तांतरित करण्यात येणार आहे. सातारा येथील केसरकर पेठेतील नगरपालिकेची इमारत प्रशासकीय कामकाजासाठी कमी पडू लागल्याने जिल्हा परिषदेसमोर नगरपालिकेच्या जागेत नवीन इमारतीचे काम सुरु केले आहे. याठिकाणच्या जागेची साफसफाई करुन सध्या जेसीबीच्या सहाय्याने पाया खोदण्याचे काम सुरु आहे.

खोदकाम सुरु असताना पुरातन काळातील रायफलींच्या गोळ्या, दस्ता, मॅगझिनचा मोठा साठा आढळला. काही क्षणातच घटनास्थळावर बघ्यांची मोठी गर्दी जमली. सातारा पोलिस अधिकारी व कर्मचारी यांना माहिती मिळाल्यानंतर तात्काळ घटनास्थळी दाखल झाले. पुरातत्व विभागालाही याबाबत कल्पना देण्यात आली. सध्या हा साठा पोलिसांच्या ताब्यात आहे. ब्रिटीश कालीन वस्तू सापडल्याने त्या पाहण्यासाठी लोक गर्दी करत आहेत.

आज नॅशनल रेड वाईन डे; पहा काय आहेत फायदे आणि तोटे

By

Akshay Patil

-

Monday, 29 August 2022, 2:36

हॅलो महाराष्ट्र ऑनलाईन । आज ‘राष्ट्रीय रेड वाईन दिवस’ आहे. आपल्यापैकी अनेक जण पिण्याचे शौकीन असतात त्यांच्यासाठी नॅशनल रेड वाईन डे साजरा करण्याची हीच वेळ आहे. रेड वाईन केवळ चवीलाच चांगली नाही तर आरोग्यासाठीही फायदेशीर आहे. रेड वाईन गडद द्राक्षांपासून बनविली जाते, परंतु वाइनचा रंग बदलू शकतो. वाईनचा रंग जांभळा असू शकतो, काही लाल असू शकतो आणि वाइनचा रंग तपकिरी असू शकतो. सामान्यतः वापरल्या जाणार्‍या वाइन दोन प्रमुख लाल द्राक्षाच्या जातींपासून बनवल्या जातात, कोट्सिफली आणि मांडिलारी.

रेड वाईनमध्ये पॉलीफेनॉल असतात, रेड वाईनमधील काही पदार्थांना अँटिऑक्सिडंट म्हणून ओळखले जाते जे रक्तवाहिनीला ठेऊन अवांछित गुठळ्या होण्यास प्रतिबंध करते. अभ्यासानुसार, रेड वाईन मध्यम प्रमाणात सेवन करणे आरोग्यदायी आहे आणि हृदयविकाराची शक्यता देखील कमी करते. आज आपण जाणून घेऊया रेड वाईनचे फायदे आणि तोटे…

रेड वाईन पिण्याचे फायदे

1. प्रतिकारशक्ती वाढवण्यासाठी फायदेशीर-

रेड वाईनमध्ये भरपूर प्रमाणात लोह, मॅग्नेशियम, व्हिटॅमिन बी 6 आणि व्हिटॅमिन सी असते. याशिवाय, त्यात प्रोअँथोसायनिडिन आणि रेझवेराट्रोल सारखे सक्रिय अँटीऑक्सिडंट असतात जे तुमची प्रतिकारशक्ती वाढवतात.

2. कोलेस्ट्रॉलसाठी फायदेशीर-

रेड वाईन कमी किंवा मर्यादित प्रमाणात सेवन केल्याने खराब कोलेस्टेरॉल (LDL) चे ऑक्सिडेशन 50 टक्के कमी होते आणि रक्तातील चांगल्या कोलेस्टेरॉलची (HDL) पातळी राखते. अशा परिस्थितीत कोलेस्टेरॉलची पातळी कमी करून हृदयविकाराचा धोकाही बऱ्याच अंशी कमी होतो.

3. त्वचेसाठी फायदेशीर-

रेड वाईन शरीरातील रक्ताभिसरण सुरळीत ठेवण्यास मदत करते. वाइन त्वचेवर लावल्यास त्वचेवरील मृत त्वचा निघून जाते आणि त्वचा मुलायम बनते. यासाठी वाइनचे पॅक बनवा आणि चेहऱ्यावर लावा. हा पॅक तयार करण्यासाठी एका भांड्यात रेड वाईन, दही, मध आणि ग्रीन टी मिक्स करा. आता ही पेस्ट मेकअप ब्रशच्या मदतीने चेहऱ्यावर लावा आणि 5-10 मिनिटे चेहऱ्यावर राहू द्या. यानंतर थंड पाण्याने स्वच्छ धुवा.

4. मधुमेहासाठी फायदेशीर-

रेड वाईन मधुमेहाच्या रुग्णांसाठीही फायदेशीर आहे. हे रक्तातील साखरेची पातळी कमी करते. त्यामुळे साखरेच्या रुग्णाला फायदा होतो.

5. झोपेसाठी फायदेशीर-

जर तुम्ही रात्री झोप न येण्याच्या समस्येने त्रस्त असाल तर रेड वाईन चे सेवन फायदेशीर ठरेल. आठवड्यातून एकदा याचे सेवन केल्याने चांगली झोप येण्यास मदत होते.

रेड वाईनचे काय आहेत तोटे

जास्त प्रमाणात रेड वाईन पिल्याने याचे व्यसन लागू शकते.

रेड वाईनमध्ये अल्कोहोल असते. अशा स्थितीत त्याच्या अतिसेवनामुळे यकृताचे आजार होऊ शकतात.

गरोदर स्त्रिया किंवा स्तनपान करणाऱ्या महिलांनी वाइनचे सेवन टाळावे. अल्कोहोलच्या सेवनाने जन्मलेल्या बाळाच्या आरोग्याच्या अनेक समस्या उद्भवू शकतात. यामध्ये गर्भाच्या अल्कोहोल सिंड्रोमचा समावेश आहे. याचा बाळाच्या मानसिक आणि शारीरिक विकासावर परिणाम होऊ शकतो.

रेड वाईनच्या जास्त सेवनाने लठ्ठपणा, मधुमेह आणि कर्करोग यांसारख्या आजारांचा धोका वाढू शकतो. जीवनशैलीत बदल होऊ शकतो, ज्याचा परिणाम परस्पर संबंधांवरही होऊ शकतो.

Post Office च्या ‘या’ 3 योजनांमध्ये टॅक्स सवलतींबरोबरच मिळेल FD पेक्षा जास्त रिटर्न !!!

By

Akshay Patil

-

Monday, 29 August 2022, 2:15

हॅलो महाराष्ट्र ऑनलाईन । Post Office : सध्या अनेक बँकांकडून फिक्स्ड डिपॉझिट्सचे दर वाढवले जात आहेत. RBI कडून ऑगस्टमध्ये रेपो दरात वाढ करण्यात आल्यानंतर जवळपास सर्वच प्रमुख बँकांनी आपल्या फिक्स्ड डिपॉझिट्सवरील व्याजदरात वाढ केली. SBI सारख्या मोठ्या बँकांकडून FD वर 5.65% पर्यंत व्याजदर दिला जात आहे. तर, HDFC बँकेकडून 6.10% पर्यंत, ICICI बँकेकडून 6.10% पर्यंत , Axis बँकेकडून 6.05% पर्यंत आणि PNB कडून जास्तीत जास्त 6.10% व्याजदर दिला जात आहे.

FD बरोबरच अनेक लहान बचत योजना देखील बँकेच्या फिक्स्ड डिपॉझिट्सपेक्षा जास्त रिटर्न देत आहेत. या वाढत्या व्याजदराच्या काळात बँकेच्या फिक्स्ड डिपॉझिट्सपेक्षा लहान बचत योजना जास्त चांगल्या आहेत कारण त्यामध्ये FD च्या स्थिर व्याजदरांच्या विरूद्ध त्रैमासिक व्याजदरात सुधारणा केली आहे. Post Office

मात्र, हे सर्व व्याजदर ज्येष्ठ नागरिक बचत योजना (SCSS), सार्वजनिक भविष्य निर्वाह निधी खाते (PPF) आणि सुकन्या समृद्धी यासारख्या व्यापकपणे लोकप्रिय असलेल्या लहान बचत योजनांपेक्षा खूपच कमी आहेत.

सुकन्या समृद्धी खाते (SSA)

मुलीच्या भविष्यासाठी पैसे जमा करण्यासाठी सुकन्या समृद्धी खाते (SSA) ही सर्वात लोकप्रिय असलेली एक छोटी बचत योजना आहे. SSA मध्ये आता प्रतिवर्ष 7.6% दराने चक्रवाढ व्याज दर दिला जात आहे. 10 वर्षांपेक्षा कमी वयाच्या मुलीच्या नावावर SSA खाते उघडण्यासाठी, पालकाला किमान 25 रुपये आणि जास्तीत जास्त 1,50,000 रुपये एका आर्थिक वर्षात गुंतवता येतात. या खात्यात जमा केलेल्या रकमेवर कलम 80C अंतर्गत टॅक्स सूट देखील मिळते. Post Office

ज्येष्ठ नागरिक बचत योजना (SCSS)

ज्येष्ठ नागरिक नेहमीच सुरक्षित गुंतवणूकीच्या शोधात असतात. कारण त्यांना बँकेच्या FD पेक्षा जास्त रिटर्न हवा असतो. सहसा, ज्येष्ठ नागरिकांकडून बचत योजनांची (SCSS) निवड केली जाते. सध्या, SCSS मध्ये दर वर्षी 7.4% व्याज दराची ऑफर दिली जाते जे तिमाही आधारावर दिले जाते. सध्याच्या काळात SCSS वर बँकांच्या FD पेक्षा जास्त व्याजदर मिळतो. 60 वर्षांपेक्षा जास्त वय असलेल्या नागरिकांना वैयक्तिकरित्या किंवा जोडीदारासोबत SCSS मध्ये खाते उघडता येते. Post Office

सार्वजनिक भविष्य निर्वाह निधी खाते (PPF)

गुंतवणूकदारांमध्ये PPF देखील लोकप्रिय आहे. त्यावरील व्याज आणि मॅच्युरिटीच्या रक्कमेवर कोणताही टॅक्स द्यावा लागत नाही. PNB, BoB, Axis, SBI, HDFC बँक, कोटक महिंद्रा बँक आणि इतर अनेक बँकांच्या FD च्या व्याजदरांच्या तुलनेत PPF मध्ये 7.1% प्रतिवर्ष (वार्षिक चक्रवाढ) मिळते. Post Office

अधिक माहितीसाठी या वेबसाईटला भेट द्या : https://www.nsiindia.gov.in/InternalPage.aspx?Id_Pk=55

हे पण वाचा :

Gold Price Today : सोन्या-चांदीच्या किंमतीमध्ये घसरण, आजचे नवीन भाव पहा

PIB FactCheck : PAN अपडेट केले नाही तर SBI खाते बंद होणार, ‘या’ व्हायरल मेसेजमागील सत्य जाणून घ्या

HSBC Bank कडून FD वरील व्याजदरात बदल, नवीन दर तपासा

सध्याच्या काळात Bank FD मध्ये गुंतवणूक करणे योग्य ठरेल का??? तज्ञ काय सांगतेय ते पहा

Multibagger Stocks : ‘या’ 5 कंपन्यांच्या गुंतवणूकदारांना पुढील महिन्यात मिळणार बोनस शेअर्स !!!

तर मग आम्ही जयंत पाटलांना ऑफरबाबत सल्ला द्यायचा का? राणेंचा मिटकरींवर निशाणा

By

Akshay Patil

-

Monday, 29 August 2022, 1:47

हॅलो महाराष्ट्र ऑनलाईन । राष्ट्रवादी काँग्रेसचे आमदार अमोल मिटकरी यांनी भाजप नेत्या पंकजा मुंडे याना राष्ट्रवादी प्रवेशाची ऑफर दिली होती. भाजप तुमचे पंख छाटण्याचे काम करत असून जस रोहिणी खडसे यांनी राष्ट्रवादीत प्रवेश केला तशी पाऊले तुम्ही उचला असं आवाहन पंकजा मुंडे याना केलं. याबाबत भाजप आमदार नितेश राणे याना विचारलं असता त्यांनी थेट राष्ट्रवादी काँग्रेसचे प्रदेशाध्यक्ष जयंत पाटील यांचं नाव घेत मिटकरींना प्रत्युत्तर दिले आहे.

नितेश राणे यांच्यावतीने कोकणात जाणाऱ्या गणेशभक्तांसाठी ‘मोदी एक्स्प्रेस’ ही आरक्षित विशेष रेल्वे सोडण्यात आली. त्यानंतर पत्रकारांशी संवाद साधताना ते म्हणाले, अमोल मिटकरींनी दुसऱ्यांना सल्ले देण्यापेक्षा स्वत: च्या पक्षाकडे लक्ष द्यावे. राष्ट्रवादी काँग्रेस पक्षात विरोधी पक्षनेते पदावरून काय चाललं आहे ते आधी त्यांनी पाहावं. अमोल मिटकरींसारखंच आम्ही जयंत पाटील यांना ऑफरबाबत सल्ला द्यायचा का असं म्हणत स्वतःचे ठेवायचे झाकून आणि दुसऱ्याच बघायचं वाकून असं अमोल मिटकरींनी करू नये असा टोला नितेश राणे लगावला.

राज ठाकरेंनी घेतली फडणवीसांची भेट; दोन्ही नेत्यांमध्ये तासभर खलबतं

वाचा सविस्तर-👉🏽 https://t.co/HWD7riatkr @HelloMaharashtr @Dev_Fadnavis @RajThackeray

— Hello Maharashtra (@HelloMaharashtr) August 29, 2022

यावेळी त्यांनी अमित शाह यांचे सुपुत्र जय शाह यांच्या तिरंगा नाकारल्याच्या व्हिडिओ वरूनही त्यांची पाठराखण केली. भाजप किंवा राष्ट्रीय स्वयंसेवक संघाची पार्श्वभूमी असणाऱ्या व्यक्तींना देशभक्ती शिकवण्याची कोणाला काहीही गरज नाही. एखाद्याने देशाचा झेंडा हाती घेतला नाही म्हणजे त्या व्यक्तीचे देशावर प्रेम नाही, असे कुठं लिहीलं नाही. कोणाचे देशावर किती देशप्रेम आहे याबद्दल आम्हाला कोणाच्याही प्रमाणपत्राची गरज नाही असं नितेश राणे यांनी म्हंटल.