औरंगाबाद : उस्मानपुऱ्यात वृद्धेचे तीन तोळ्याचे गंठण हिसकावल्याची घटना ताजी असतानाच सिडकोत एका वृद्धेला पत्ता विचारण्याच्या बहाण्याने दुचाकीस्वार चोरांनी अडीच तोळ्याचे गंठण हिसकावले. ही घटना सिडको एन-८ भागातील नवभारत सोसायटीत दुपारी सव्वा एकच्या सुमारास घडली. चोरटे सीसीटीव्हीत कैद झाले आहेत.

विमल दत्तात्रय वाणी (७०, रा. नवभारत कॉलनी, सिडको, एन-८) या दुपारी सव्वा एकच्या सुमारास घराबाहेर वाळत घातलेले कपडे पलटवण्यासाठी आल्या होत्या. त्याचवेळी तिथे दोन दुचाकीस्वार आले. त्यांनी दुचाकी घराच्या बाजूला रस्त्यावर उभी केली. त्यातील एकजण विमलबाई यांच्याकडे आला. त्याने त्यांच्या हातात एक चिठ्ठी देत यावरील पत्ता सांगा असे म्हणाला. त्यामुळे विमलबाई यांनी त्यांचा नातू सुयश याला आवाज दिला. तेवढ्यात त्या चोराने विमलबाई यांच्या गळ्यातील अडीच तोळ्याचे गंठण हिसकावले. दोन्ही चोरटे दुचाकीने तेथून पसार झाले.

यावेळी विमलबाई यांनी आरओरड करत त्यांचा पाठलाग करण्याचा प्रयत्न केला. मात्र, तो पर्यंत दुचाकीस्वार चोर तेथून पसार झाले होते. यांनतर घटनेची माहिती मिळताच सिडको पोलीस ठाण्याचे निरीक्षक अशोक गिरी यांनी पथकासह घटनासथळाकडे धाव घेतली. गुन्हे शाखेचे पथक देखील तिथे पोहोचले. परिसरातील सीसीटीव्हीची तपासणी करण्यात अली. त्यात घटनास्थळाजवळच एका सीसीटीव्हीत चोरटे कैद झाले आहे. पोलिसांची पथके चोरांचा शोध घेत आहेत.

अगोदर केली रेकी मग मारला डल्ला…

विमलबाई यांच्या घराच्या गल्लीतून दुचाकीस्वार चोरांनी अगोदर एक चक्कर मारून रेकी केली. रस्त्यावर कोणी नसल्याचे पाहून पुन्हा दोन मिनिटात विमलबाई यांच्या घराकडे परत आले. त्यानंतर पत्ता विचारण्याच्या वाहण्याने गंठण हिसकावून धूम ठोकली. चोरटे बाजूच्या एका सीसीटीव्हीत कैद झाले आहे.

औरंगाबाद : सध्या लसीकरणाला नागरिकांकडून चांगला प्रतिसाद मिळात आहे. मात्र लसींच्या अभावामुळे सतत लसीकरण थांबत आहे. आज मंगळवारी सकाळपासूनच हर्सूल येथील मनपाच्या लसीकरण केंद्रात लस घेण्यासाठी नागरिकांची होत्या प्रमाणात गर्दी पाहायला मिळाली. मात्र १२ वाजले तरीही लसीकरण सुरु न झाल्याने या ठिकाणी नागरिक संतापात होऊन हमरीतुमरीवर उतरले. या ठिकाणी नागरिकांची बाचाबाची झाल्याने काही काळ तणाव निर्माण झाला होता. दिडशे लसी प्रत्येक केंद्रांवर वितरीत केल्या आहेत. त्यामुळे नागरिकांनी समजुतीने घ्यावे आणि मनपा प्रशासनास सहकार्य करावे असे आवाहन मनपाच्या आरोग्य वैद्यकीय अधिकारी डॉ. नीता पाडळकर यांनी केले आहे.

सोमवारी जिल्ह्याला २६ हजारांचा साठा प्राप्त झाला. यातून केवळ १० हजार लसी मनपास देण्यात आल्या आहेत. मात्र हा साठा एकाच दिवसात संपेल. त्यानंतर पुन्हा पहिले पाढे पाच गिरवावे लागणार आहेत. कोरोना संसर्गाच्या पार्श्वभूमीवर आरोग्य तज्ज्ञांकडून तिसऱ्या लाटेची भीती वर्तवण्यात आली आहे. औरंगाबादकरांकडून लसीकरणास चांगला प्रतिसाद मिळत आहे. मात्र वारंवार लसींच्या तुटवड्यामुळे नागरिकांचा भ्रमनिरास होत आहे.

गेल्या आठवड्याभरात केवळ दोन ते तीनच दिवस लसीकरण सुरु होते. आत्तापर्यंत १५ हजार, १२ हजार या प्रमाणात लसींचा पुरवठा झाला. मात्र लस घेणाऱ्यांची संख्या अधिक असल्याने दोनच दिवसात हा साठा संपत आहे. कोरोनाच्या तिसर्‍या लाटेला रोखण्यासाठी किमान ७० टक्के नागरिकांचे लसीकरण होणे आवश्यक असल्याचे पालिका प्रशासक तथा आयुक्‍त आस्तिककुमार पांडेय यांनी यापूर्वीच म्हटले आहे. मात्र जोपर्यंत जास्तीचा साठा मनपास प्राप्त होत नाही तोपर्यंत ७० टक्के लसीकरण होणे अशक्यप्रायच आहे.

औरंगाबाद : टीव्ही सेंटर मैदानावर उभारणार स्टेडियम व्यापारी संकुलच्या आतील बाजूस स्टेडियम तयार करून मुलांसाठी खेळायचे मैदान तयार केली जाणार आहे. त्याकरिता पीएमसीची नियुक्ती करून डीपीआर तयार केला जाणार असल्याची माहिती मनपा प्रशासक तथा आयुक्त आस्तिक कुमार पांडे यांनी दिली. टीव्ही सेंटर येथील मैदानाच्या दोन्ही बाजूंनी व्यापारी संकुल बांधण्यात आले आहे. आता व्यापारी संकुलाच्या आतील बाजूस स्टेडियम तयार केले जाणार आहे.

मनपा प्रशासन तथा आयुक्त आस्तिक कुमार पाण्डेय या याबद्दल माहिती देताना म्हणाले की, ‘गरवारे स्टेडियम आणि टीव्ही सेंटर येथे मुलांना खेळण्यासाठी मैदाने तयार करण्याचा विचार असून गरवारे स्टेडियमच्या मोकळ्या मैदानावर फुटबॉल, हॉकी, हॉलीबॉल बास्केटबॉल मैदानी तयार करायचे आहेत. स्विमिंग पूलचे काम थांबलेली असून त्याला देखील सुरुवात केली जाणार आहे तसेच हॉल मध्ये टेबल टेनिस कोर्ट केले जाईल’.

दुसऱ्या टप्प्यातील विकास म्हणून टीव्ही सेंटरचा विकास केला जाणार आहे. याठिकाणी स्टेडियम तयार करून मैदाने विकसित केले जातील त्याकरिता पीएमसीची नियुक्ती करण्यात येईल. पीएमसी कडून डीपीआर बनवून त्यास मान्यता दिली जाईल त्याकरिता राज्याचा युवक व क्रिडा कल्याण विभागाचे आयुक्त ओम प्रकाश बकोरिया यांच्याकडे प्रस्ताव पाठवून निधीची मागणी केली जाईल. क्रीडा विभागाकडून मदत करण्याचे आश्वासन बाकी कोरिया यांनी दिले असल्याचे प्रशासक पाण्डेय यांनी सांगितले.

औरंगाबाद : महापालिकेने स्मार्ट सिटी योजनेतून शहरात सायकल चालविण्यासाठी स्वतंत्रपणे 20 किमीचा सायकल ट्रॅक तयार करण्याचा निर्णय घेतला आहे. क्रांती चौक ते रेल्वे स्टेशन पाठोपाठ आता एमजीएम ते सेंटरल नाका आणि टीव्ही सेंटर ते सलीमअली सरोवर रस्त्याच्या दोन्ही बाजूने सायकल ट्रॅक बनविला जाणार असल्याचे मनपा प्रशासन तथा आयुक्त आस्तिक कुमार पांडे यांनी सांगितले.

पहिल्या टप्प्यात क्रांती चौक ते रेल्वे स्टेशन दरम्यान सहा कि.मी.चा सायकल ट्रॅक तयार करण्यात आला आहे. ‘सायकल ट्रॅकची काळाची गरज आहे आणि नागरिकांचा तो अधिकार आहे त्यादृष्टीने काम केले जात आहे’. असे आस्तिक कुमार पाण्डेय म्हणाले.

सायकल ट्रॅक बनविण्यासाठी 192 कोटींच्या रस्त्यामध्ये नियोजन करण्यात आले आहे त्याबरोबरच एमजीएम ते सेंट्रल नाका टीव्ही सेंटर ते सलीम अली सरोवर रस्ताच्या दोन्ही बाजूने सायकल ट्रॅक तयार केला जाणार आहे. हा सायकल ट्रॅक चार कि.मी.चा असेल. एमजीएम ते सेंट्रल नाका सिमेट रस्त्यांचे काम पूर्ण झाले असून डिव्हायडर तयार करण्यात आले आहेत.