हॅलो महाराष्ट्र ऑनलाईन । कॉंग्रेसचे माजी अध्यक्ष राहुल गांधी यांनी शनिवारी व्हिडिओ कॉन्फरन्सिंगद्वारे प्रसार माध्यमांशी संवाद साधला. यादरम्यान, त्यांनी केंद्र सरकारच्या प्रयत्न आणि लॉकडाऊनमुळे देशातील उद्भवलेल्या परिस्थितीविषयी चर्चा केली. पंतप्रधान नरेंद्र मोदी यांनी केलेल्या २० लाख कोटी रुपयांच्या विशेष आर्थिक पॅकेजच्या घोषणेवर राहुल गांधी म्हणाले की,” जेव्हा मूल रडते तेव्हा आई त्याला कर्ज देत नाही, ट्रीट देते. रस्त्यावर आलेल्या स्थलांतरित मजुरांना सध्या कर्जाची नसून पैशांची गरज आहे. म्हणून सरकारने सावकारांसारखे वागू नये.”

यावेळी एका व्यक्तीने राहुल गांधींना विचारले की,’जर तुम्ही पंतप्रधान असता तर तुम्ही काय केले असते ?’ या प्रश्नाला उत्तर देताना राहुल गांधी हसत हसत म्हणाले की,’मी पंतप्रधान नाही. म्हणून मी काल्पनिक परिस्थितीबद्दल बोलू शकत नाही. परंतु एक विरोधी पक्षनेता म्हणून मी म्हणेन की कोणतीही व्यक्ती आपले घर सोडून इतर राज्यांत कामाच्या शोधात जाते. त्यामुळे सरकारने रोजगाराच्या मुद्द्यावर काहीतरी राष्ट्रीय योजना आखली पाहिजे.’

राहुल म्हणाले की,’माझ्या म्हणण्यानुसार सरकारने शॉट, मिड आणि लाँग अशा तीन शब्दांत काम केले पाहिजे. अल्पावधीत मागणी वाढवा. या अंतर्गत आपण भारतातील लघु व मध्यम व्यवसायातील व्यापाऱ्यांना वाचवा. त्यांना रोजगार द्या. कृपया त्यांना आर्थिक मदत करा. आरोग्यानुसार, ज्यांना सर्वाधिक धोका आहे अशांची काळजी घ्या.”

ते पुढे म्हणाले,’लघु आणि मध्यम व्यवसायाला मिड टर्मसाठी मदत करा. भारताला ४० टक्के रोजगार हा या लोकांकडून मिळतो, म्हणून त्यांना आर्थिक मदतही दिली जावी. फक्त बिहारसारख्या राज्यांत रोजगार वाढवण्यावर भर द्या.’

मनरेगा (महात्मा गांधी राष्ट्रीय ग्रामीण रोजगार हमी कायदा) बाबत राहुल गांधींनी सुचवले, ‘दहा वर्षांपूर्वीचा भारत आणि आजचा भारत पूर्ण वेगळा आहे. आज बरेच कामगार हे शहरात राहत आहेत. म्हणूनच माझे असे मत आहे की त्यांच्या सुरक्षेसाठी मनरेगा आणि न्याय (किमान उत्पन्न योजना) योजना शहरात असाव्यात. जेणेकरून त्यांच्या बँक खात्यात काही पैसे पाठवता येतील. जर सरकारला हवे असेल तर ते न्याय योजना काही काळ अंमलात आणून पाहू शकतील.

यापूर्वी राहुल गांधी यांनी सरकारची मदत अपुरी असल्याचे म्हटले होते आणि त्यांच्या मदत कर्जाचे पाकिट होऊ नये. हे पैसे थेट शेतकरी आणि स्थलांतरित कामगारांच्या खिशात गेले पाहिजेत असेही त्यांनी सांगितले होते. सरकारच्या निर्णयाबद्दल राहुल गांधी म्हणाले, ‘वाढती वित्तीय तूट यामुळे एजन्सींच्या दृष्टीने भारताचे रेटिंग कमी होईल, असे सांगितले जात आहे. मात्र याक्षणी मी रेटिंगबद्दल नाही, तर भारताबद्दल विचार करतोय. जर सर्व लोक ठीक असतील तर ते पुन्हा एकत्रित काम करतील आणि त्यामुळे रेटिंग आपोआपच दुरुस्त होईल.

या वेळी सर्वात मोठी गरज म्हणजे मागणी-पुरवठा सुरू करण्याची गरज असल्याचे या कॉंग्रेस नेत्याने सांगितले. ते म्हणाले की,’वाहन चालविण्यासाठी तुम्हाला तेलाची गरज असते. जोपर्यंत आपण कार्बोरेटरला तेल घालत नाही तोपर्यंत कार चालू होत नाही. मला भीती वाटते की जेव्हा इंजिन सुरू होईल तेव्हा तेल नसल्यामुळे गाडी चालू होणार नाही. हा लॉकडाऊन आपल्याला हळूहळू उठवाव लागेल. कारण आपल्या समस्यांवर तो एकमेव उपाय नाहीये. आपल्याला वृद्ध आणि मुलांची काळजी घेत लॉकडाऊन हळूहळू मागे घेण्याविषयी विचार करावा लागेल. जेणेकरून कोणालाही धोका होणार नाही.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.