DCGI Substandard Medicines | आजारी पडल्यावर अनेक लोक हे डॉक्टरकडे न जाता घरातील औषधे खातात किंवा मेडिकलमधून औषधे आणतात. या औषधाने आपण पूर्णपणे बरे होणार आहोत, असा डोळे झाकून विश्वास ठेवून लोक ती औषधे घेतात. परंतु हीच औषधे आता जीवघेणी ठरू शकतात. कारण आता ड्रॅग्स कंट्रोलर जनरल ऑफ इंडियाने (DCGI Substandard Medicines) औषधांच्या तपासणीमध्ये 50 औषधे ही निकृष्ट दर्जाचे असल्याचे सांगितले आहे.
ही निकृष्ट दर्जाची असलेली 50 औषधे देशातील वेगवेगळ्या ठिकाणी विक्री होत आहे. आणि लोक देखील ही औषधे विकत घेत आहेत. तसेच त्याचे सेवन देखील करत आहेत. तपासणीमध्ये निकृष्ट दर्जाची जी औषधे सापडली आहे. त्यामध्ये पॅरासिटॅमॉल 500 बीपी पॅरासिटॅमॉल 500, बीपीचं टेल्मीसारटन, कफटीन कफ सीरप, क्लोनाजेपेम, डिक्लोफेनेक, मल्टिविटॅमिन आणि कॅल्शियमच्या गोळ्यांच्या समावेश आहे.
हाती आलेल्या माहितीनुसार डीजीसीआयने (DCGI Substandard Medicines) त्यांच्या रिसर्चमध्ये केसांना लावण्यात येणारी हिना मेहंदी देखील घातक असल्याचे सांगितले आहे. त्याचप्रमाणे कॉस्मेटिक कॅटेगिरीमध्ये हिना मेहंदीची गुणवत्ता कमी झाली आहे. अशी देखील या तपासामध्ये आढळून आलेले आहेत
भारतामध्ये मुलांना खोकला झाल्यावर कफ सिरप मोठ्या प्रमाणात दिले जाते. परंतु या सिरपमुळे काही मुलांचा मृत्यू झाल्याच्या घटना देखील प्रदेशात घडलेल्या आहे. त्यानंतर या औषधाची सॅम्पल घेण्यात आले. देशातील वेगवेगळ्या राज्यांमधून या औषधाचे सॅम्पल घेण्यात आलेले आहेत. त्यानंतर हे औषध निकृष्ट दर्जाचे असल्याचे देखील सिद्ध झालेले आहे.
कॉन्सिटपेशनसाठीच लेक्टोलूज सॉल्यूशन, ब्लड प्रेशरसाठीच टेलमिसाटन आणि अम्लोडिपाईन, ऑटो इम्यून डिसीससाठी डेक्सामेथासोन, सोडियम फॉस्फेट, गंभीर इन्फेक्शनसाठी वापरण्यात येणारं क्लोनाजेपाम टॅब्लेट या औषधांचा देखील निकृष्ट दर्जाच्या औषधांमध्ये समावेश केलेला आहे. या औषधांच्या सेवनाने आपल्या आरोग्याला धोका निर्माण होऊ शकतो.
