पालघर : हॅलो महाराष्ट्र – मुंबई-अहमदाबाद महामार्गावर एका कारचा भीषण अपघात झाला आहे. या अपघातात एका तरुण आर्किटेक्टचा मृत्यू झाला आहे तर दोन प्रवासी जखमी झाले आहेत. ढेकाळे गावच्या हद्दीतील वाघोबा खिंडीत हा भयंकर अपघात घडला आहे. यामध्ये भरधाव वेगातील अल्टो कार चालकाचे नियंत्रण सुटल्याने महामार्गाच्या दुभाजकाला धडकून हा भीषण अपघात झाला आहे. मंगळवारी पहाटे दीड वाजताच्या सुमारास हा अपघात झाला आहे. या अपघातातील मृत आर्किटेक्ट तरुण नोकरीची मुलाखत देण्यासाठी मुंबईला गेला होता, तिथून परत येताना काळाने त्याच्यावर झडप घातली.
नेमकं काय घडलं?
मंगळवारी पहाटे दीड वाजताच्या सुमारास मुंबई अहमदाबाद महामार्गावर ढेकाळे गावच्या हद्दीतील वाघोबा खिंडीत भरधाव वेगातील अल्टो कार महामार्गाच्या दुभाजकाला धडकून भीषण अपघात घडला. यामध्ये कारचालकाचे नियंत्रण सुटल्यामुळे हा भीषण अपघात घडला आहे.
आर्किटेक्टचा मृत्यू, सहकारी जखमी
या भीषण अपघातात कार चालक जिगर जैन याचा जागीच मृत्यू झाला, तर त्याचे दोन सहकारी गंभीर जखमी झाले आहेत. मृत जिगर हा आर्किटेक्ट होता. घटनेच्या दिवशी तो मुलाखतीसाठी मुंबईला गेला होता. तेथून परत येताना हा भीषण अपघात घडला. या अपघातात भावेश देवराज मेस्त्री आणि उत्तम सैनी हे दोघे गंभीर जखमी झाले असून त्यांच्यावर वापी येथील खाजगी रुग्णालयात उपचार सुरू आहेत.