“मोदींचा वेताळ, केंद्र सरकारच्या विरोधात बोलणाऱ्याच्या खांद्यावर बसतो”

हॅलो महाराष्ट्र ऑनलाईन । केंद्रीय तपास यंत्रणेवरून विरोधकांकडून मोदी सरकारवरती निशाणा साधला जात आहे. या मुद्द्यावरून काँग्रेसकडून पुन्हा मोदी सरकारवर हल्लाबोल केला आहे. काँग्रेसचे सरचिटणीस सचिन सावंत यांनी ट्विट करीत “राष्ट्रीय तपास यंत्रणा ‘विक्रम आणि वेताळ’च्या वेताळासारख्या आहेत. फरक हाच की विक्रम बोलला तर वेताळ खांद्यावरून उडून जायचा. मोदींचा वेताळ, मोदी सरकारच्या विरोधात बोलले कि बोलणाऱ्याच्या खांद्यावर बसतो.,” अशी टीका केली आहे.

शिवसेना खासदार संजय राऊत यांचे बंधू प्रविण राऊत यांच्यवर ईडीने कारवाई केली आहे. या प्रकरणावरून सचिन सावंत यांनी मोदी सरकारवरटीका केली. त्यांनी ट्विटमध्ये म्हंटले आहे की, “वर्षानुवर्षे तो वेताळ झाडाला लटके. या वेताळाचा तपासही लटकलेला राहतो.

“संजय राऊतजी मोदी सरकार विरोधात बोलले. भावाला लगेच अटक! 1 जाने 2021 रोजी प्रवीण राऊतांची मालमत्ता जप्त केली. मग तपास वर्षभर का लटकवला? याच HDIL ने भाजपला 20 कोटीची देणगी दिली त्यांच्या खांद्यावर बसणार नाही,” असे सचिन सावंत यांनी आपल्या ट्वीटमध्ये म्हटले आहे.