नवी दिल्ली । जर आपण भारतीय स्टेट बँक (SBI) चे ग्राहक असाल तर आपल्यासाठी खूप महत्वाची बातमी आहे. देशातील सर्वात मोठी बँक स्टेट बँक ऑफ इंडियाने (SBI) आपल्या 44 कोटी ग्राहकांसाठी अलर्ट मेसेज जारी केला आहे. KYC च्या नावावर होणाऱ्या फसवणूकीचा इशारा SBI ने दिला आहे. बँकेने ट्विटरच्या माध्यमातून आपल्या ग्राहकांना याबाबत सावधगिरी बाळगण्यास सांगितले आहे. बँकेने आपल्या पोस्टद्वारे म्हटले आहे की,” फसवणूक करणारे आपल्या KYC व्हेरिफिकेशनच्या नावाखाली फसवणूक करीत आहेत. SBI च्या सर्व ग्राहकांनी 30 जूनपर्यंत KYC करणे बंधनकारक आहे, जर कोणत्याही ग्राहकांनी तसे न केल्यास त्यांचे बँक खाते निलंबित केले जाईल.
SBI काय म्हणाले ते जाणून घ्या
बँकेच्या मते, फसवणूक करणारे आपल्या पर्सनल डिटेल्स गोळा करण्यासाठी बँक / कंपनीचे प्रतिनिधी असल्याचे भासवतात आणि एक मेसेज पाठवितात. ग्राहकांनी या मेसेजला चुकूनही बळी पडू नये आणि KYC साठी कोणत्याही लिंकवर क्लिक करू नये. तसेच, जर एखाद्या ग्राहकाने तसे केले असेल तर त्याबद्दल त्वरित सायबर क्राइमला कळवा.
KYC fraud is real, and it has proliferated across the country. The fraudster sends a text message pretending to be a bank/company representative to get your personal details. Report such cybercrimes here: https://t.co/3Dh42ifaDJ#SBI #StateBankOfIndia #CyberCrimeAlert #StaySafe pic.twitter.com/VpODvKp1FD
— State Bank of India (@TheOfficialSBI) June 15, 2021
बँक म्हणाली-
1. कोणत्याही अज्ञात लिंकवर क्लिक करणे टाळा.
2. KYC अपडेट्ससाठी बँक कधीही लिंक पाठवित नाही.
3. आपला मोबाईल आणि पर्सनल डिटेल्स कोणाबरोबरही शेअर करू नका.
घरबसल्या KYC अपडेट करा
कोरोना साथीच्या काळात SBI ने आपल्या खातेदारांना KYC डॉक्युमेंट ऑनलाइन अपडेट करण्याची सुविधा दिली होती. KYC अपडेट्ससाठी ग्राहकाला आपला ऍड्रेस प्रूफ आणि आयडेंटिटी कार्ड रजिस्टर्ड ईमेल अथवा पोस्टद्वारे पाठवावे लागेल, आपण आपले डॉक्युमेंट त्याच मेल आयडीवरून पाठवावे जो आपण बँकेत अपडेट केला आहे. त्या ईमेलवरून डॉक्युमेंटची स्कॅन केलेली कॉपी बँक शाखेच्या ईमेल ऍड्रेसवर पाठवावी लागेल.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा