हॅलो महाराष्ट्र ऑनलाइन | गोवा विधानसभा निवडणुकीत शिवसेनेने डिपॉझिट जरी वाचवलं तरी मी संजय राऊत याना चहा आणि जेवण देईल अशी टीका भाजप आमदार आशिष शेलार यांनी केल्यानंतर आता राऊतांनी देखील शेलारांवर पलटवार केला आहे. डिपॉझिट जप्त झालं तरी लढतच राहू. असे संजय राऊत यांनी म्हंटल
संजय राऊत म्हणाले. मी आशिष शेलार याना नेहमीच चहा पाजतो. 1989पासून भाजप गोव्यात लढत आहे. भाजपचं गोव्यात सलग दोन निवडणुकीत डिपॉझिट जप्त झालं होतं. डिपॉझिट जप्त झालं म्हणजे लढूच नये असं काही नाही. तसं निवडणूक आयोगानेही म्हटलं नाही. पक्षाचा विस्तार करण्यासाठी लढावच लागतं. डिपॉझिट जप्त झालं तरी लढतच राहू. बचेंगे तो और भी लढेंगे हा मराठा साम्राज्याचा मंत्र आहे, असा टोलाही त्यांनी लगावला.
यावेळी त्यांनी पुन्हा एकदा गोव्यातील काँग्रेस नेत्यांवर निशाणा साधला. काँग्रेसला आम्ही एकत्रित येऊन मदतच करणार होतो. मात्र आपण स्वबळावर निवडून येऊ असा कॉन्फिडन्स काँग्रेस नेत्यांमध्ये कुठून येतो ?? तुम्ही कोणत्या दुनियेत आहात? असा सवाल त्यांनी काँग्रेसला केला.