हॅलो महाराष्ट्र ऑनलाइन | शिवसेना खासदार संजय राऊत आज 4 वाजता शिवसेना भवन येथे पत्रकार परिषद घेणार आहेत. त्यापूर्वीच आज प्रसारमाध्यमांशी संवाद साधताना भाजपला आणि केंद्रीय तपास यंत्रणांना इशारा दिला आहे. भ्रष्टाचारीं भाजप नेत्यांचे मुखवटे उघडे पाडणार असा इशारा संजय राऊत यांनी दिला.
संजय राऊत म्हणाले, काही विशिष्ट लोकं आमच्यावरती हल्ले करतात. त्याचवेळी मोठमोठे लोक घोटाळे करून नामानिराळे राहतात. त्यांचे मुखवटे फोडले पाहिजेत, असं राऊत यांनी सांगितलं. तसेच त्यांनी आपण ईडीसंदर्भात पंतप्रधानांना 13 पानी पत्र लिहिलं असल्याची माहितीदेखील दिली.
त्या पत्रात केंद्रीय तपास यंत्रणा भ्रष्टाचाराने किती पोखरल्या आहेत, कोणाच्या नियंत्रणाखाली काम करतात आणि राजकीय विरोधकांची कोंडी करुन, अडचणीत आणून भाजपाच्या राजकारणाला हातभार लावतात हे सगळं आहे. ते पत्र आज मी सर्वांसमोर ठेवणार आहे.आज पहिला भाग बाहेर काढत आहे,” असा इशारा संजय राऊतांनी दिला आहे.