हॅलो महाराष्ट्र ऑनलाईन । बाॅलीवुड अभिनेता सुशांत सिंह राजपुत याने आज त्याच्या मुंबईतील राहत्या घरी गळफास घेऊन आत्महत्या केली. या बातमीने बाॅलीवुड अगदी सुन्न झालेलं आहे. तर अचानक सुशांत सारख्या अभिनेत्यानं आत्महत्या करण्याचा टोकाची निर्णय का घेतला असा प्रश्न त्याच्या संपुर्ण चाहत्यावर्गाला पडलेला आहे. सुशांतच्या अचानक जाण्याने भारताचे प्रधानमंत्री नरेंद्र मोदी यांच्यासह प्रसिद्ध क्रिकेटर महेंद्रसिंह धोनी यांनी सुद्धा त्याच्या जाण्याने हळहळ व्यक्त करत करत ट्विट केले. आता पाकिस्तानी क्रिकेटर शोएब मलिक त्यानेसुद्धा ३४ हे काय जाण्याचे वय नाही असे म्हणत सुशांतच्या आत्महत्येवर आपली प्रतिक्रिया दिली आहे.
पाकिस्तानी क्रिकेटर शोएब मलीक यांनी नुकतेच एक ट्विट करून सुशांतच्या आत्महत्येने आपल्याला दुःखच झाल्याची भावना व्यक्त केली आहे. ३४ वय हे निघून जाण्याचं वय नाही असं भावनिक विधान शोएबने केले आहे. सूशांत सारखा चांगला नायक एवढी टोकाची भुमीका घेत आत्महत्या करतो ही अतिशय धक्कादायक बाब असल्याचेही सानिया मिर्झाचा पती तथा पाकिस्तानी क्रिकेटर शोएब मलीकने म्हटले आहे. त्याच्या आत्म्याला शांती देवो अशीही भावनिक साद शोएब याने ट्विटर च्या माध्यमातुन दिली आहे.
– Shocked to hear about Shushant Singh commiting suicide, life is a long beautiful inning, 34 was not the age to let go, may your soul rest in peace #ShushantSinghRajput (1986-2020) gone too soon.
— Shoaib Malik 🇵🇰 (@realshoaibmalik) June 14, 2020
दरम्यान, सुशांतने आतापर्यंत पि. के . मधे एका पाकीस्तानी विद्यार्थ्याची भूमिका साकारली होती. तर सुपहीट एम एस डी मधे महेंद्र सिंह धोनीची भुमीकाही अगदी उत्कृष्ट पद्धतीने साकारली होती. त्याच्या अभिनयामुळे सुशांतचा चाहतावर्ग मोठा आहे. मात्र त्याच्या जाण्याने भारतासह विदेशातूनही दुःख व्यक्त होत आहे. मुळचा पाटना बिहार येथील असणारा सुशांत अगदी शांत स्वभावाचा असल्याचे त्याचे अनेक सहकारी सांगत आहेत. तसेच ३ दिवसांपूर्वी सुशांतच्या मेनेजर ने सुद्धा आत्महत्या केल्याची माहीती आहे.