हॅलो महाराष्ट्र ऑनलाइन । घानाचे अध्यक्ष नाना अकुफो अ‍ॅडो यांनी देशातील वाढत्या कोरोना विषाणूच्या घटनांविषयी एक महत्त्वपूर्ण विधान केले आहे. राष्ट्रपतींनी अशी माहिती दिली आहे की कोरोनामुळे देशात आतापर्यंत २२ लोकांचा मृत्यू झाला आहे तर ४९४ लोक यातून बरे झाले आहेत. घानाचे अध्यक्ष म्हणाले की, देशातील एका संक्रमित रुग्णाने फिश प्रोसेसिंग कारखान्यामध्ये सुमारे ५३३ सहकाऱ्यांना संक्रमित केले आहे. रविवारी त्यांनी एका मुलाखती दरम्यान हे सांगितले.
घानामध्ये आता ४,७०० प्रकरणे आहेत
घाना अधिकाऱ्यांनी शुक्रवारी सांगितले की तेमा सिटी येथील एका कारखान्यात एकूण ५३३ लोकांना कोरोना विषाणूचा संसर्ग झाला आहे. परंतु या व्यतिरिक्त इतर कोणतीही माहिती त्यांनी दिलेली नाही. अध्यक्ष अफुको एडो म्हणाले, “या एका व्यक्तीने सर्व ५३३ लोकांना संसर्गित केले आहे.कारखान्यात सुरक्षा उपाय असतानाही फॅक्टरीमध्ये हा विषाणू कसा पसरला हे मात्र त्यांनी सांगितले नाही.
राष्ट्रपती म्हणाले की ५३३ पॉझिटिव्ह रुग्णांची नोंद ही घानामध्ये झालेल्या एकूण संक्रमित प्रकरणांच्या ११.३ टक्के इतकी आहे. या नवीन आकडेवारीमुळे घानामधील एकूण प्रकरणांची संख्या आता ४,७०० वर पोहोचली आहे. पश्चिम आफ्रिकेतील कोरोना विषाणूमुळे घाना आता सर्वाधिक प्रभावित झाला आहे.
देशात तीन आठवड्यांचा लॉकडाउन आहे
राष्ट्रपती म्हणाले की, साथीच्या रोगाचा प्रादुर्भाव होण्यापासून १,६०,५०१ चाचण्या घेण्यात आल्या आहेत. ते म्हणाले की घाना हा आफ्रिकेतील एकमेव असा देश आहे जिथे इतक्या प्रमाणात चाचण्या घेतल्या जात आहेत. अध्यक्ष अ‍ॅडोच्या शब्दांत सांगायचे तर ते म्हणाले की, ‘आमची रणनीती लागू केली गेली आहे ज्यात आम्ही आक्रमकपणे लोकांना ओळखत आहोत, त्यांच्या चाचण्या घेत आहोत आणि हा व्हायरस दूर करण्यासाठी सर्व शक्य असलेले उपचार प्रदान करतो’.
त्यांनी मे अखेरपर्यंत सार्वजनिक ठिकाणी लोकांच्या जमाव करण्यास बंदी घातली आहे. देशातील सर्व शाळा आणि विद्यापीठांनाही बंद राहण्यास सांगितले आहे. अफुको अडो यांनी घानाची राजधानी अकारा आणि कुमासी या दोन मोठ्या शहरांमध्ये लागू केलेल्या तीन आठवड्यांच्या लॉकडाउनमुळे दिलासा मिळालेला आहे. लॉकडाऊनमुळे देशाच्या अर्थव्यवस्थेविषयी त्यांना मोठी चिंता आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.